Aaj News

جمعرات, مارچ 28, 2024  
18 Ramadan 1445  

’سُپرہائی الرٹ‘: پی ٹی آئی کی کارکنوں کو زمان پارک پہنچنے کی ہدایت

عمران خان کی گرفتاری ملک کوبحران میں دھکیل دے گی، فواد چوہدری
اپ ڈیٹ 09 مارچ 2023 09:03am
فوٹو۔۔۔۔۔ اے ایف پی
فوٹو۔۔۔۔۔ اے ایف پی

پاکستان تحریک انصاف کے رہنماؤں نے کارکنوں کو زمان پارک پہنچنے کی ہدایت کردی۔

سماجی رابطے کی ویب سائٹ ٹوئٹر پر اپنے ٹویٹ میں پی ٹی آئی رہنما فواد چوہدری نے کہا کہ ‏حکومت مکمل بھوکھلا چکی ہے، عمران خان کی گرفتاری ملک کو بہت بڑے بحران میں دھکیل دے گی۔

فواد چوہدری نے اپنے ٹویٹ میں مزید کہا کہ لاہور اور گرد و نواح کے دوست زمان پارک پہنچیں، انشاء اللہ فتح عوام کی ہوگی۔

دوسری جانب پی ٹی آئی رہنما علی زیدی کا کہنا ہے کہ آج سپر ہائی الرٹ ہے، اسے معمولی نہ لیں، تمام لاہوری جلد از جلد زمان پارک پہنچیں۔

یاد رہے کہ گزشتہ روز لاہور میں پی ٹی آئی کارکنوں اور پولیس میں تصادم کے باعث علاقہ میدان جنگ بنا رہا۔

پولیس کی شیلنگ اور لاٹھی چارج سے علی بلال نامی ایک کارکن جاں بحق ہوگیا جبکہ عالیہ حمزہ سمیت کئی خواتین کارکنوں کی حالت غیر ہوگئی۔

دفعہ 144 کی خلاف ورزی پر متعدد کارکن زیرحراست ہیں، کارکن کی موت پر پی ٹی آئی نے رانا ثناء اللہ کے خلاف مقدمہ درج کرانے کا اعلان کیا ہے۔

pti

Ali Zaidi

imran khan

lahore

Fawad Chaudhary

zaman park

Politics March 09 2023

Comments are closed on this story.

تبصرے

تبولا

Taboola ads will show in this div