کراچی کے علاقے گارڈن میں کاؤنٹر ٹررزم ڈپارٹمنٹ (سی ٹی ڈی) نے کاررواٸی کرتے ہوئے کالعدم تنظیم لشکرجھنگوی کا کارندہ گرفتار کرلیا ہے۔

ترجمان سی ٹی ڈی کے مطابق ملزم کی شناخت محمد صادق کے نام سے ہوئی، جو فرقہ وارانہ فسادات اور ٹارگٹ کلنگ کے واقعات میں ملوث ہے۔

ترجمان نے کہا کہ ملزم نے 2004 میں سیٹھ غلام مرتضیٰ کو تلخ کلامی کے بعد قتل کیا تھا اور 2010 میں ساتھیوں کے ساتھ ایوب نقوی کو ٹارگٹ کلنگ کا نشانہ بنایا تھا۔

انچارج سی ٹی ڈی چوہدری غلام صفدر نجے کہا کہ ملزم گرفتاری کے ڈر سے روپوش ہوگیا تھا جس سے مزید تفتیش کی جارہی اور اہم انکشافات متوقع ہیں۔