پاکستان تحریک انصاف کی جیل بھرو تحریک میں گرفتار فیضل الحسن چوہان، ذلفی بخاری اور صداقت عباسی سمیت 6 رہنماؤں کو شاہ پور جیل سرگودھا منتقل کردیا گیا ۔

گزشتہ روز جیل بھرو تحریک کے تیسرے مرحلے میں راولپنڈی سے رضاکارانہ گرفتاریاں دینے والوں میں 47 افراد کو اڈیالہ جیل پہنچایا گیا۔

پی ٹی آئی کے 6 سابق ممبران قومی وصوبائی اسمبلی کواڈیالہ جیل پہنچایا گیاتھاجن میں سابقہ ممبران اسمبلی صداقت عباسی،زلفی بخاری، فیاض الحسن چوہان، اعجازخان جازی سمیت دیگرشامل ہیں ۔

تمام ممبران اسمبلی کو قیدی وین کے ذریعے رات گئے شاہ پور سرگودھا منتقل کیا گیا۔

ذرائع کا کہنا ہے کہ تحریک انصاف کے 41 کارکنوں کو اڈیالہ جیل میں ہی قیدیوں رکھا گیا ہے ۔

پولیس نے 47 افراد کو قید کرنے کی تفصیلات جاری کی ہیں۔

یاد رہے کہ تحریک انصاف کی جیل بھرو تحریک میں گزشتہ روز کمیٹی چوک سے رضاکارنہ گرفتاریوں دی گئی تھیں۔

واضح رہے کہ چیئرمین پاکستان تحریک انصاف عمران خان نے بدھ 22 فروری سے جیل بھرو تحریک لاہور سے شروع کرنے کا اعلان کیا تھا۔