Aaj News

جمعہ, مارچ 29, 2024  
18 Ramadan 1445  

ایف آئی اے کا عمران خان کو گرفتار کرنے کا فیصلہ

وزارت داخلہ کی ہدایت پر ایف آئی اے لاہور کی 4 رکنی ٹیم تشکیل
شائع 20 فروری 2023 12:29pm
چیئرمین پی ٹی آئی عمران خان
چیئرمین پی ٹی آئی عمران خان

وفاقی تحقیقاتی ادارے (ایف آئی اے) نے پاکستان تحریک انصاف کے چیئرمیں عمران خان کو گرفتار کرنے کا فیصلہ کرلیا ہے۔

ایف آئی اے ذرائع کے مطابق وزارت داخلہ کی ہدایت پر ایف آئی اے لاہور کی 4 رکنی ٹیم تشکیل دے دی گئی ہے۔

ڈائریکٹرایف آئی اے لاہور سرفراز خان ورک کی قیادت میں ٹیم مقامی پولیس کی مدد سے عمران خان کو گرفتار کرے گی۔

چیئرمین پی ٹی آئی کو گرفتاری کے بعد اسلام آباد کی ٹیم کے حوالے کیا جائے گا۔

ایف آئی اے ذرائع کا کہنا ہے کہ ایف آئی اے کی ٹیم نے پہلے عمران خان کو زمان پارک سے گرفتار کرنے کا پروگرام بنایا تھا مگر کارکنوں کے شدید رد عمل کو دیکھتے ہوئے اب لاہور ہائیکورٹ میں پیش ہونے کے بعد گرفتار کیا جائے گا۔

اس سلسلے میں ایف آئی اے اور پولیس نے تیاری مکمل کر لی ہے جبکہ پولیس ایف آئی اے کو ہر ممکن مدد فراہم کرے گی۔

ایف آئی اے اور پولیس کے اعلی حکام نے اس سلسلے میں وکلا کی مختلف تنظیموں سے بھی مشاورت مکمل کر لی ہے تاکہ وکلاء سے تصادم کی صورتحال پیدا نہ ہو۔

pti

arrest

FIA

اسلام آباد

imran khan

Comments are closed on this story.

تبصرے

تبولا

Taboola ads will show in this div