کراچی: متحدہ قومی موومنٹ پاکستان (ایم کیو ایم) کا قومی اسمبلی کی خالی نشستوں پر ضمنی انتخابات سے دستبرداری کا امکان ہے۔

ذرائع کے مطابق گورنر سندھ کامران ٹیسوری کی تجویز پر ایم کیو ایم کی آج ایک اور اہم بیٹھک لگے گی جس میں ضمنی انتخابات سے دستبردار ہونے کے حوالے سے پارٹی کے ڈپٹی کنوینئر مشاورت کریں گے۔

پارٹی ذرائع کا کہنا ہے کہ رابطہ کمیٹی کے اجلاس میں تجویز پیش کی جائے گی کیونکہ ضمنی انتخابات کے بائیکاٹ کا فیصلہ رابطہ کمیٹی کرے گی۔

واضح رہے کہ پیپلز پارٹی نے ایم کیوایم کو سندھ کابینہ میں شمولیت کی دعوت جب کہ پی ڈی ایم نے اپنی اتحادی جماعت کو ضمنی الیکشن میں حصہ نہ لینے کی درخواست کی تھی۔