کراچی کے علاقے شریف آباد کی حدود میں شہری کودوران ڈکیتی گولی مارکرزخمی کرنے والے ملزمان کوگرفتار کرلیا ہے۔

پولیس کے مطابق 11 فروری کو ایف سی ایریا میں شہری محمد انورسے ڈکیتی کی واردات ہوئی تھی، واردات کے دوران مزاحمت پرملزمان نے محمد انور کی ٹانگ میں گولی مار کر زخمی کردیا تھا۔

پولیس نے بتایا کہ ملزمان موبائل فون اور نقدی چھین کرفرار ہوگئے تھے جبکہ خفیہ اطلاع پر کارروائی کرتے ہوئے پولیس نے واقعے میں ملوث ملزمان کو گرفتار کرلیا ہے۔

گرفتارملزمان کی شناخت محمد حضیفہ اور شاہ میرکے ناموں سے ہوئی ہے جن کے قبضے سے 2 پسٹل اور نقدی برآمد کرلی گئی اور مزید تفتیش جاری ہے۔