چارسدہ میں پولیس اہلکاروں پر دو مقامات پر حملے ہوئے ہیں۔

شہر کے نستہ علاقے میں سرچ آپریشن کے دوران کھیتوں میں پہلے سے تاک لگائے شدت پسندوں نے پولیس پر فائرنگ کردی، پولیس کی جوابی فائرنگ سے تین شدت پسند ہلاک ہوگئے۔

پولیس کا کہنا ہے کہ دوسرے واقعے میں چارسدہ کے علاقے شابڑا میں ناکے پر جامہ تلاشی کے دوران موٹر سائیکل سواروں نے پولیس وین پر فائرنگ کی۔ پولیس کی جوابی فائرنگ سے ایک شدت پسند ہلاک جب کہ دوسرے کو زخمی حالت میں گرفتار کرکے نا معلوم مقام منتقل کردیا۔