چیئرمین پاکستان تحریک انصاف (پی ٹی آئی) عمران خان نے زمان پارک لاہور سے بنی گالہ منتقل ہونے کا فیصلہ کیا ہے۔

پی ٹی آئی ذرائع کے مطابق عمران خان آئندہ ہفتے میں اسلام آباد منتقل ہوسکتے ہیں، پی ٹی آئی چیئرمین ڈاکٹرز کی مشاورت سے بنی گالا منتقل ہوں گے۔

ذرائع کا بتانا ہے کہ عمران خان کی پرائیوٹ سکیورٹی میں بھی اضافے کا فیصلہ کیا گیا ہے، سابق وزیر اعظم کی سکیورٹی کے لئے نجی کمپنی سے خدمات لی جائیں گی۔

دوسری جانب عمران خان اور چوہدری پرویز الٰہی کے درمیان ملاقات ہوئی جس میں سیاسی صورتحال سمیت گورنرز کی جانب سے الیکشن کی تاریخ نہ دینے اور آئندہ کے لائحہ عمل پر مشاورت کی گئی۔

ملاقات کے دوران عمران خان کا کہنا تھا کہ آئین نگراں سیٹ اپ، گورنرز کو 90 روز میں الیکشن کا پابند بناتا ہے، جو آئین شکنی کا مرتکب ہوگا تو آئین میں اس کے خلاف راستہ موجود ہے۔