Aaj News

جمعہ, مارچ 29, 2024  
18 Ramadan 1445  

پشاور دھماکہ: کئی افراد اب بھی ملبے تلے موجود، ’نیچے سے آوازیں آرہی ہیں‘

لوگ اپنی مدد آپ کے تحت ملبے تلے دبے لوگوں کو نکالنے کی کوشش کر رہے ہیں.
اپ ڈیٹ 30 جنوری 2023 04:20pm

پشاور کی پولیس لائنز مسجد میں ہونے والے خود کش دھماکے میں شہادتوں کی تعداد 30 اور 100 سے زائد زخمی ہیں، جبکہ کئی افراد اب بھی ملبے تلے دبے ہوئے ہیں اور نیچے سے لوگوں کی آوازیں آرہی ہیں۔

پہلی صف میں ہونے والے خود کش دھماکے کے نتیجے میں چھت گری اور مسجد کا ایک حصہ مکمل طور پر تباہ ہوگیا۔

آج نیوز کو موصول خصوصی فوٹیج میں دیکھا جاسکتا ہے کہ لوگ اپنی مدد آپ کے تحت ملبے تلے دبے لوگوں کو نکالنے کی کوشش کر رہے ہیں۔

آج نیوز کے مطابق مسجد کی چھت ٹیڑھیں انداز میں گری ہے اور لوگ زخمی ہونے کے باوجود ملبے کے نیچے سے آوازیں دے رہے ہیں۔

مسجد میں 1000 نمازیوں کی گنجائش موجود ہے جبکہ دھماکے کے وقت 300 سے زائد افراد مسجد میں موجود تھے۔

اب تک 150 کے قریب لوگوں کو نکالا جاچکا ہے اور 100 سے زائد اب بھی ملبے تلے موجود ہیں۔

sucide blast

peshawar blast

Peshawar police lines blast Jan 2023

Comments are closed on this story.

تبصرے

تبولا

Taboola ads will show in this div