مسلم لیگ (ن) کی سینئر نائب صدر اور چیف آرگنائز مریم نواز 28 جنوری بروز ہفتے کے روز سہ پہر 3 بجے وطن واپس پہنچ جائیں گی۔

مریم نواز 27 جنوری بروز جمعے کو لندن سے دبئی کے لئے روانہ ہوں گی، جس کے بعد وہ غیر ملکی ایئرلائن کے ذریعے دبئی سے لاہور پہنچیں گی۔

مریم نواز تقریبا ساڑھے 3 ماہ کے بعد وطن واپس پہنچ رہی ہیں، سینئر نائب صدر (ن) لیگ 6 اکتوبر 2022 کو لندن روانہ ہوئی تھیں۔

یاد رہے کہ 22 جنوری کو مریم نواز کی وطن واپسی کی تاریخ میں پھر ایک دن کی تبدیلی کی گئی، جس کے تحت مریم نواز کو 26 جنوری کی بجائے27 جنوری کو برطانیہ سے روانہ ہوں گی اور 28 جنوری لاہور پہنچیں گی۔