Aaj News

جمعہ, مارچ 29, 2024  
18 Ramadan 1445  

لاہورہائیکورٹ نے شہباز گل کیخلاف تمام مقدمات کا ریکارڈ طلب کرلیا

پی ٹی آئی رہنما کی عبوری ضمانت میں 26 جنوری تک توسیع
شائع 24 جنوری 2023 03:22pm
تصویر: اے پی پی
تصویر: اے پی پی

لاہور ہائیکورٹ نے پاکستان تحریک انصاف کے رہنما شہباز گل کی عبوری ضمانت میں 26 جنوری تک توسیع کردی۔ آئندہ سماعت پر شہباز گل کیخلاف تمام مقدمات کا ریکارڈ طلب کرلیا گیا۔

لاہور ہائیکورٹ کے جسٹس طارق سلیم شیخ نے شہباز گل کی درخواست پر سماعت کی۔

سرکاری وکیل نے رپورٹ عدالت میں جمع کروائی جس میں کہا گیا ہے کہ شہباز گل کیخلاف تین مقدمات درج ہیں۔ شہباز گل کے وکیل نے کہا کہ ایک مقدمہ چھپایا گیا ہے، چار مقدمات درج ہیں۔ کیا اعلیٰ عدالتوں کے ساتھ ان کا یہ رویہ ہوگا کہ حقائق چھپائیں۔

عدالت نے ریمارکس دیے کہ آپ کہہ رہے ہیں نیا مقدمہ نہیں جبکہ پراسیکیوٹر نے سپریم کورٹ میں کہا کہ مقدمہ درج ہے۔ سیاسی انتقام کے نکتے کو نظر انداز نہیں کیا جاسکتا۔

پراسیکیوٹر نے کہا کہ میرے علم میں ایسا کچھ نہیں کہ نیا مقدمہ درج ہوا۔ اس پرعدالت نے ریمارکس دیے، تو پھر اسی پراسیکیوٹر کو بلا لیتے ہیں جس نے سپریم کورٹ میں بیان دیا۔

عدالت نےپی ٹی آئی رہنما کی عبوری ضمانت میں 26 جنوری تک توسیع کرتے ہوئے تمام مقدمات کا ریکارڈ طلب کرلیا۔ آئندہ سماعت پر سیکرٹری داخلہ اور ہوم سیکرٹری پنجاب کو بھی طلب کیا گیا ہے۔

pti

shahbaz gill

Lahore High Court

Comments are closed on this story.

تبصرے

تبولا

Taboola ads will show in this div