Aaj News

جمعرات, مارچ 28, 2024  
17 Ramadan 1445  

نگراں پنجاب کابینہ کی تشکیل پر مشاورت شروع، بیوروکریسی پولیس میں تبادلے

آئی جی پنجاب کی سیٹ کے لئے ڈاکٹر عثمان انور کا نام زیر غور ہے، ذرائع
اپ ڈیٹ 23 جنوری 2023 05:39pm
فوٹو — فائل
فوٹو — فائل

نگران وزیراعلی پنجاب محسن نقوی نے نگران کابینہ کی تشکیل کیلئے مشاورت شروع کر دی ہے۔

ذرائع کے مطابق پہلے مرحلے میں 6 وزارتیں تشکیل دی جاہیں گی، پہلے محکمہ داخلہ، اطلاعات، خزانہ کے علاوہ وزرات قانون، خوراک اور صحت کی وزراتیں تشکیل دی جائے گی، :نگران کابینہ کے6 وزراء کا کل حلف اُٹھانے کا امکان ہے۔

دوسری جانب وزیراعلیٰ کے پرنسپل سیکرٹری محمد خان بھٹی کو عہدے سے ہٹا کر ان کی خدمات واپس پنجاب پولیس کے سپرد کردی گئی۔

محمد عدنان بھٹی کو ہٹائے جانے کا نوٹیفکیشن محکمہ سروسز اینڈ جنرل ایڈ منسٹریشن ڈیپارٹمنٹ نے جاری کردیا ہے۔

اس کے علاوہ نگراں وزیر اعلیٰ کے حلف اٹھانے کے فوری بعد پنجاب پولیس میں اعلیٰ افسران کے تبادلے متوقع ہیں۔

ذرائع کے مطابق سی سی پی او لاہور،آر پی اوز، ڈی آئی جی آپریشن لاہور کے تبادلے کے علاوہ سی پی اوز سمیت دیگر کے تبادلے بھی متوقع ہیں۔

ذرائع کا بتانا ہے کہ وزراء کے حلف اٹھاتے ہی مشاورت سے تبادلے کئے جائیں گے، البتہ آئی جی پنجاب کی سیٹ کے لئے ڈاکٹر عثمان انور جب کہ سی سی پی او لاہور کے لئے بلال صدیق کمیانہ اور ڈی آئی جی آپریشن لاہور کے لئے کیپٹن سہیل چوہدری ریٹائرڈ کا نام زیر غور ہے۔

ذرائع کا کہنا ہے کہ نگراں حکومت الیکشن کمیشن سے منظوری کے بعد تبادلوں کا نوٹیفکیشن جاری کرے گی۔

lahore

punjab assembly

Punjab police

Care Taker CM Punjab

Comments are closed on this story.

تبصرے

تبولا

Taboola ads will show in this div