Aaj News

جمعہ, مارچ 29, 2024  
18 Ramadan 1445  

ملک میں بجلی کا بریک ڈاؤن، نیپرا اتھارٹی نے سخت نوٹس لے لیا

بریک ڈاؤن بجلی کی پیداوارانتہائی کم ہونے کے باعث ہوا
اپ ڈیٹ 23 جنوری 2023 03:11pm
کراچی میں بجلی کے بریک ڈاؤن کے دوران ایک دکاندار اور ایک مزدور بجلی نہ ہونے کے باعث فارغ بیٹھے ہیں - تصویر/ روئٹرز
کراچی میں بجلی کے بریک ڈاؤن کے دوران ایک دکاندار اور ایک مزدور بجلی نہ ہونے کے باعث فارغ بیٹھے ہیں - تصویر/ روئٹرز

ملک میں بجلی کا بریک ڈاؤن بجلی کی پیداوارانتہائی کم ہونے کے باعث ہوا جس کا نیشنل الیکٹرک پاورریگولیٹری اتھارٹی (نیپرا) نے سخت نوٹس لیے لیا ہے۔

ذرائع کا کہنا ہے کہ ملک میں بریک ڈاؤن بجلی کی پیداوار انتہائی کم ہونے کے باعث ہوا کیونکہ آج صبح بجلی کی پیداوار 7 ہزار میگاواٹ سے بھی کم تھی اور بجلی کا شارٹ فال 6 ہزارمیگاواٹ تک تھا۔

ذرائع کے مطابق پن بجلی کی پیداوار میں 90 فیصد کمی واقع ہوئی اور 12 سے زائد پاور پلانٹس فنی خرابیوں کے باعث بند ہیں جبکہ گڈو، جام شورو، مظفر گڑھ کے پاور پلانٹس بند پڑے ہیں۔

ذرائع نے بتایا کہ 969 میگاواٹ نیلم جہلم منصوبہ 8 ماہ سے فنی خرابی کے باعث بند ہے اور نندی پور، حویلی بہادر شاہ، بھکی پاور پلانٹس 30 فیصد بجلی پیدا کررہے ہیں۔

مزید بتایا کہ مذکورہ پاور پلانٹس کو ایندھن کی کمی کا سامنا ہے قائد اعظم سولر پلانٹ سے بجلی کی پیداوار نہ ہونے کے برابر ہے۔

نیپرا اتھارٹی کا سخت نوٹس

نیشنل الیکٹرک پاورریگولیٹری اتھارٹی (نیپرا) نے ملک میں ہونے والے بلیک آؤٹ کا سخت نوٹس لیتے ہوئے نیشنل ٹرانسمیشن اینڈ ڈسپیچ کمپنی سے رپورٹ طلب کر لی ہے، کہا کہ2021 اور 2022 میں بلیک آؤٹ اور ٹاورگرنے پرجرمانے کرچکے ہیں۔

nepra

electricity

Break Down

Electricity Short fall

Comments are closed on this story.

تبصرے

تبولا

Taboola ads will show in this div