Aaj News

جمعرات, مارچ 28, 2024  
17 Ramadan 1445  

نیوزی لینڈ کیخلاف میچ میں نسیم شاہ نے عالمی ریکارڈ قائم کردیا

فاسٹ بولر نے 10 اوورز میں57 دیکر 5 کھلاڑی کو پویلیئن کی راہ دکھائی
شائع 09 جنوری 2023 07:51pm
پاکستانی فاسٹ بولر نسیم شاہ۔ فوٹو — اے ایف پی
پاکستانی فاسٹ بولر نسیم شاہ۔ فوٹو — اے ایف پی

پاکستان اور نیوزی لینڈ کے خلاف میچ کے دوران فاسٹ بولر نسیم شاہ نے عالمی ریکارڈ قائم کردیا ہے۔

کراچی کے نیشنل بینک کرکٹ ایرینا میں کھیلے جانے والے تین ون ڈے میجز پر مشتمل سیریز کے پہلے مقابلے میں پاکستان نے ٹاس جیت کر پہلے مہمان ٹیم کو بیٹنگ کی دعوت دی۔

نیوزی لینڈ نے مقررہ اوورز میں 9 وکٹوں کے نقصان پر 255 رنز اسکور کیئے، کیویز کی جانب سے مائیکل بریس ویل 43 اور ٹام لیتھم 42 رنز اسکور کرکے نمایاں رہے۔

19 سالہ نوجوان گیند باز نے اپنے ایک روزہ کیریئر کے چوتھے میچ میں 10 اوورز میں 57 دیکر 5 کیویز کھلاڑی کو پویلیئن کی راہ دکھائی۔

نسیم شاہ نے ون ڈے کیریئر کے ابتدائی چار میچز میں 15 وکٹیں حاصل کرکے عالمی ریکارڈ اپنے نام کرلیا ہے، اس سے قبل آسٹریلوی گیند باز ریان ہیرس اور گیری گلمور نے اپنے ابتدائی چار میچز میں 14، 14 وکٹیں حاصل کی تھیں۔

PCB

PAKvNZ

odi series

Naseem shah

Comments are closed on this story.

تبصرے

تبولا

Taboola ads will show in this div