پاکستانی حکام نے غیرملکی سفرا اور ڈپلومیٹس کو بریفنگ دیتے ہوئے کہا ہے کہ وفاقی دارالحکومت کے سکیورٹی انتظامات بہت بہتر ہیں۔

سیکرٹریز خارجہ و داخلہ اور سیکورٹی حکام کی جانب سے دی گئی بریفنگ میں بتایا گیا کہ غیرملکی شہری آزادانہ طور پر نقل و حرکت کرسکتے ہیں۔

آئی جی اسلام آباد ناصر اکبر خان نے سکیورٹی صورتحال سے آگاہ کیا، مختلف سفراکےسوالات پرحکام کی جانب سے جوابات دیئے گئے۔ سیکٹر آئی ٹین دھماکے میں تحقیقات کی پیشرفت سے بھی آگاہی دی گئی۔

سفارتکاروں کی جانب سے بریفنگ کو تسلی بخش قرار دے دیا گیا ہے۔

بریفنگ میں 100سے زائد غیرملکی سفرا اور ڈپلومیٹس نے شرکت کی۔