کئی سال تک گم نام رہنے والے چوہدری نثار علی خان نے اپنے حلقے سے دوبارہ سیاست شروع کرنے کا اعلان کیا ہے۔

سابق وزیرِ داخلہ چوہدری نثار کا کہنا ہے کہ کس پارٹی میں شمولیت اختیار کرنی ہے اس کا فیصلہ باہمی مشاورت سے ہوگا۔

راولپنڈی میں میڈیا سے گفتگو کرتے ہوئے چوہدری نثار نے کہا کہ عمران خان سے دوستی، تعلق اور احترام کا رشتہ ہے، مسلم لیگ ن میں کافی عرصہ رہا ان سے بھی میرا رابطہ ہے۔

ان کا کہنا تھا کہ سیاسی پارٹی تو نہیں بنا رہا، فی الحال تمام تر توجہ اپنے حلقے کی عوام کو متحرک کرنے پر ہے۔

چوہدری نثار کا کہنا تھا کہ اس وقت میں عوام کے پاس خدمت کی غرض سے آیا ہوں، میں نہیں سمجھتا کہ خونی الیکشن ہوگا، یہ میرا موقف ہے۔

سیاست سے دور رہنے کے بیان پر ان کا کہنا تھا کہ فوج نے اچھا قدم اٹھایا ہے تو ہمیں ویلکم کرنا چاہئے، فوج کو اپنا اور سیاست دانوں کو اپنا کام کرنا چاہئے۔