Aaj News

جمعہ, مارچ 29, 2024  
18 Ramadan 1445  

آرمی چیف کا میران شاہ اور تربیلا کا دورہ، نوجوانوں کے بلند حوصلے کو سراہا

جنرل عاصم منیر نے بنوں آپریشن میں بہترین کارکردگی پر جوانوں کو شاباش دی، آئی ایس پی آر
شائع 23 دسمبر 2022 10:14pm
آرمی چیف کی جوانوں سے ملاقات۔ فوٹو — آئی ایس پی آر
آرمی چیف کی جوانوں سے ملاقات۔ فوٹو — آئی ایس پی آر
فوٹو — آئی ایس پی آر
فوٹو — آئی ایس پی آر

آرمی چیف جنرل سید عاصم منیر نے میران شاہ اور تربیلا کا دورہ کیا جہاں انہوں نے نوجوانوں کے بلند حوصلے کو سراہا۔

پاک فوج کے شعبہ تعلقات عامہ (آئی ایس پی آر) کے مطابق جنرل عاصم منیر نے میران شاہ اور تربیلا کا دورہ کیا، آرمی چیف کی آمد پر کور کمانڈر پشاور لیفٹیننٹ جنرل حسن اظہر حیات نے ان کا استقبال کیا، اپنے دورے پر آرمی چیف نے یادگار شہداء پر حاضری دے کر پھولوں کی چادر چڑھائی اور فاتحہ خوانی کی۔

آئی ایس پی آر کے مطابق آرمی چیف نے مادر وطن کا دفاع کرتے ہوئے جانوں کا نذرانہ پیش کرنے والے بہادر سپاہیوں کو خراج عقیدت پیش کیا جب کہ جنرل عاصم کو فیلڈ کمانڈرز نے علاقے کی تازہ ترین سکیورٹی صورتحال سے آگاہ کیا۔

انٹر سروسز پبلک ریلیشنز کے مطابق سپہ سالار کو دہشتگردی کے خطرے کو ناکام بنانے، ردعمل اور طریقہ کار پر بریفنگ دی گئی، دورے کے دوران آرمی چیف نے پاک، افغان سرحد پر اگلے مورچوں پر تعینات دستوں، افسران و جوانوں سے بھی ملاقات کی اور ان کی پیشہ وارانہ مہارتوں، بلند عزم اور آپریشنل تیاریوں کو سراہا۔

پاک فوج کے شعبہ تعلقات عامہ کے مطابق آرمی چیف نے تربیلا میں ایس ایس جی ہیڈ کوارٹرز کا بھی دورہ کرکے ضرار کمپنی کے جوانوں سے ملاقات کی اور بنوں آپریشن میں بہترین کارکردگی پر جوانوں کو شاباش دی۔

ISPR

COAS

Army Chief General Asim Munir

Bannu CTD

Comments are closed on this story.

تبصرے

تبولا

Taboola ads will show in this div