Aaj News

جمعرات, مارچ 28, 2024  
17 Ramadan 1445  

عمران خان پر حملے کے ملزمان جھوٹ پکڑنے کی مشین سے گزریں گے

جے آٸی ٹی کو اب تک تفتیش میں ملزم نوید سے کوٸی اہم کامیابی نہیں مل سکی ہے۔
اپ ڈیٹ 13 دسمبر 2022 01:47pm
تصویر: لائے ڈکیکٹر ٹیسٹ/آئی ای
تصویر: لائے ڈکیکٹر ٹیسٹ/آئی ای

لانگ مارچ کے دوران وزیرآباد کے مقام پر پاکستان تحریک انصاف (پی ٹی آئی) کے چیٸرمین عمران خان پر ہونے والی فاٸرنگ کے معاملے میں گرفتار تینوں ملزمان کا پولی گرافک ٹیسٹ کرانے کا فیصلہ کیا گیا ہے۔

ذرائع کے مطابق مشترکہ تحقیقاتی ٹیم (جے آٸی ٹی) کل ملزمان کا کل پولی گرافک ٹیسٹ کروائے گی۔

جے آٸی ٹی کو اب تک تفتیش میں ملزم نوید سے کوٸی اہم کامیابی نہیں مل سکی ہے، نہ ہی کیس کی تفتیش میں کوئی اہم ہیش رفت ہوسکی ہے۔

جے آٸی ٹی نے جمعہ کو پی ٹی آٸی رہنماؤں کو دوبارہ بلوانے کا فیصلہ بھی ہے۔

پولی گرافک ٹیسٹ کیا ہے

پولی گراف، جسے عموماً جھوٹ پکڑنے والا ٹیسٹ بھی کہا جاتا ہے، ایک ایسا آلہ یا طریقہ کار ہے جو کئی جسمانی اشارے جیسے کہ بلڈ پریشر، نبض، سانس، اور جلد کی حرکت کی پیمائش ریکارڈ کرتا ہے۔

اس دوران ملزم سے کچھ سوالات پوچھے جاتے ہیں اور وہ ان کے جوابات دیتا ہے۔

پولی گراف کے استعمال کا عقیدہ یہ ہے کہ جھوٹے جوابات جسمانی ردعمل پیدا کریں گے جو سچ بولنے والے لوگوں سے مختلف ہوسکتے ہیں۔

تاہم، جھوٹ کے ساتھ کوئی خاص جسمانی رد عمل وابستہ نہیں ہیں، جس کی وجہ سے ان عوامل کی نشاندہی کرنا مشکل ہو جاتا ہے جو جھوٹ بولنے والوں کو سچ بولنے والوں سے الگ کرتے ہیں۔

JIT

Attack on Imran Khan

Wazirabad attack

Polytrophic Test

Politics Dec13 2022

Comments are closed on this story.

تبصرے

تبولا

Taboola ads will show in this div