Aaj News

جمعہ, مارچ 29, 2024  
18 Ramadan 1445  

’پیپلز پارٹی کراچی میں بلدیاتی انتخابات کرانے کیلئے تیار ہے‘

ایم کیو ایم بلدیاتی انتخابات سے پہلے نئی حلقہ بندیاں چاہتی ہے، باصر حسین
اپ ڈیٹ 12 دسمبر 2022 03:03pm
تصویر: رضوان تبسم /اے ایف پی
تصویر: رضوان تبسم /اے ایف پی

وزیر بلدیات سندھ سید ناصر حسین شاہ کا کہنا ہے کہ پاکستان پیپلز پارٹی (پی پی پی) کراچی میں بلدیاتی انتخابات کرانے کیلئے تیار ہے۔

آج نیوز کے پروگرام ”روبرو“ میں سینئیر صحافی اور میزبان شوکت پراچہ کے ساتھ گفتگو میں ناصر حسین نے کہا کہ بلدیاتی انتخابات کے حوالے سے سندھ ہائی کورٹ اور الیکشن کمیشن کے احکامات پرعمل درآمد کریں گے۔

انہوں نے بتایا کہ متحدہ قومی موومنٹ (ایم کیو ایم) کو حلقہ بندی پر تحفظات ہیں، ایم کیو ایم بلدیاتی انتخابات سے پہلے نئی حلقہ بندیاں چاہتی ہے۔

وزیر بلدیات نے کہا کہ گورنر سندھ نے نئی حلقہ بندیوں سے متعلق بات کی ہے،اور ایم کیو ایم نے حلقہ بندیوں کیلئے چیف سیکرٹری کو خط لکھا ہے۔

ان اک مزید کہنا تھا کہ امید ہے کراچی میں بلدیاتی انتخابات بروقت ہوجائیں گے، پیپلز پارٹی بلدیاتی انتخابات سے نہیں گھبرا رہی، پیپلزپارٹی نے تو عمران خان کو بڑے مارجن سے شکست دی ہے۔

ناصر حسین نے پاکستان تحریک انصاف (پی ٹی آئی) کے چئیرمین عمران خان پر تنقید کرتے ہوئے کہا کہ عمران خان کہتے ہیں میرے خلاف سازش ہوگئی، وہ یہ نہیں بتاتے کہ خود کس طرح آئے تھے۔

ناصرحسین نے کہا کہ پہلے یہ باجوہ صاحب کی تعریفیں کرتے تھے، اب غیر سیاسی ہونے پر ان کے خلاف ہوگئے ہیں۔

صوبائی وزیر نے دعویٰ کیا کہ 2012 کے بعد عمران خان کو مکمل سپورٹ حاصل رہی ہے، عمران خان چاہ رہے ہیں کہ اداروں کاعمل دخل ہونا چاہئے۔

ناصر حسین کی بات کا جواب دیتے ہوئے پی ٹی آئی رہنما علی محمد خان نے کہا کہ سپر پاور مداخلت میں رجیم چینج کرتی ہے، پی پی کو کہنا تھا ہم اپنے بل بوتے پر عدم اعتماد لائیں گے۔

علی محمد خان نے کہا کہ حکومت کو اندازہ ہوگیا ہے جلد الیکشن ہونے والے ہیں، یہ اپنے ورکرز کو متحرک کرنا شروع ہوگئے ہیں۔

انہوں نے مطالبہ کیا کہ نواز شریف واپس آکر اپنے کیسز کا سامنا کریں۔

Nasir Hussain Shah

rubaroo

Ali Muhammad Khan

MQM Pakistan

Sindh Local Government Election

Shaukat Paracha

Politics Dec12 2022

Comments are closed on this story.

تبصرے

تبولا

Taboola ads will show in this div