Aaj News

لاہور، اسلام آباد ائیرپورٹس پر مسافروں کی ”چمپی“ کرنے کا فیصلہ

سول ایوی ایشن کا ائیرپورٹس پر مساج چئیرز (مساج کرنے والی کرسیاں) نصب کرنے کا فیصلہ
شائع 07 دسمبر 2022 06:44pm
<p>علامتی تصویر بشکریہ انسائیڈر</p>

علامتی تصویر بشکریہ انسائیڈر

اگر آپ بزریعہ ہوائی جہاز لاہور سے اسلام آباد جانے کی خواہش رکھتے ہیں تو سفر کی تیاری سے ہونے والی ٹینشن کو دور کرنے کیلئے ائیرپورٹ پر مبینہ طور پر ”چمپی“ کا خاص انتظام کیا گیا ہے۔

خبر رساں ایجنسی ”پی پی آئی“ کے مطابق سول ایوی ایشن اتھارٹی (سی اے اے) نے لاہور اور اسلام آباد ائیرپورٹس پر مساج چئیرز (مساج کرنے والی کرسیاں) نصب کرنے کا فیصلہ کیا ہے، جہاں مسافروں کا ہیڈ مساج یعنی ”چمپی“ بھی کی جائے گی۔

فی الحال یہ واضح نہیں کہ آیا ان کرسیوں سے ”چمپی“ کی سہولت کس طرح پیش کی جائے گی۔

بدھ کو سی اے اے کے نوٹیفکیشن کے مطابق مساج چئیرز ملکی اور بین الاقوامی ڈیپارچر لاؤنجز میں لگائی جائیں گی۔

ایسا لگتا ہے کہ اس اقدام کا مقصد مسافروں کو طویل پرواز کے دباؤ یا تاخیر سے نجات دلانا ہے۔ اور یہ منصوبہ وزیر ہوا بازی خواجہ سعد رفیق کے دماغ کی اختراع ہے۔

اور ہاں! سروس مفت ہے۔

CAA

lahore airport

islamabad international airport

Head Massage

Massage Chair

Comments are closed on this story.

مقبول ترین