Aaj News

آزاد کشمیر بلدیاتی انتخابات کا دوسرا مرحلہ، پی ٹی آئی سب سے آگے

آزاد امیدوار دوسرے اور مسلم لیگ (ن) تیسرے نمبر پر ہے
اپ ڈیٹ 04 دسمبر 2022 03:04pm
<p>آزاد کشمیر بلدیاتی انتخابات</p>

آزاد کشمیر بلدیاتی انتخابات

آزاد کشمیر کے بلدیاتی انتخابات کے دوسرے مرحلے میں اب تک آنے والے نتائج کے مطابق پاکستان تحریک انصاف سب سے آگے ہے جبکہ آزاد امیدواردوسرے نمبر پر ہے۔

آزاد کشمیر میں ہونے والے بلدیاتی انتخابات کے دوسرے مرحلے میں پونچھ ڈویژن کے 4 حلقوں میں پولنگ ہوئی اور اب ووٹوں کی گنتی کے بعد غیر حتمی غیر سرکاری نتائج آنے کا سلسلہ جاری ہے۔

پونچھ ڈویژن کی 708 نشستوں پر منتخب کونسلرز کی کامیابی کا اعلان کردیا گیا، جن میں پاکستان تحریک انصاف 229 نشستوں کے ساتھ سب سے آگے ہے۔

آزاد امیدوار 199نشستیں لے کر دوسرے اورمسلم (ن)لیگ 96 نشستوں کے ساتھ تیسرے نمبر پر ہے۔

اس کے علاوہ پاکستان پیپلزپارٹی 104 نشستیں حاصل کرسکی، جے کے پیپلزپارٹی نے 28 سیٹیں جیتیں، تحریک لبیک نے 7 جبکہ مسلم کانفرنس اور جماعت اسلامی نے 4،4 نشستوں پر کامیابی حاصل کی۔

ضلع حویلی کی تمام 112 نشستوں کےسرکاری نتائج کا اعلان، پیپلز پارٹی کا پہلا نمبر

ضلع حویلی کی تمام 112 نشستوں کے سرکاری نتائج کا اعلان کردیا گیا، جس کے مطابق پاکستان پیپلزپارٹی 41 نشستوں کے ساتھ پہلے نمبر پر رہی۔

ن لیگ 40 سیٹوں کے ساتھ دوسرے جبکہ پی ٹی آئی 16 نشستوں کے ساتھ تیسرے نمبر پر رہی، اس کے علاوہ آزاد امیدواروں نے 15 سیٹیں جیتیں۔

ادھر باغ میں پی ٹی آئی کا پلڑا بھاری رہا، میونسپل کارپوریشن کی 9 جبکہ ضلع کونسل کی 12 نشستیں جیت لیں۔

azad kashmir

local bodies election

Polling

Muzaffarabad

vote counting

Comments are closed on this story.

مقبول ترین