Aaj News

جمعرات, مارچ 28, 2024  
17 Ramadan 1445  

پیمرا نے اعظم سواتی کی ہرقسم کی کوریج کرنے پر پابندی عائد کردی

اعظم سواتی کو کسی شو میں بطورمہمان بلانے، بیان یا ٹکر چلانے پر پابندی ہوگی، پیمرا
شائع 27 نومبر 2022 03:58pm
سینیٹراعظم سواتی  میڈیا سے بات کررہے ہیں، تصویر: آئی این پی
سینیٹراعظم سواتی میڈیا سے بات کررہے ہیں، تصویر: آئی این پی

پاکستان الیکٹرانک میڈیا ریگولیٹری اتھارٹی (پیمرا) نے الیکٹرانک میڈیا پر پاکستان تحریک انصاف کے سینیٹر اعظم سواتی کی ہر قسم کی کوریج پر پابندی عائد کردی ہے۔

پیمرا کے مطابق ٹی وی چینلز نے اعظم سواتی کی راولپنڈی جلسہ میں تقریر بغیر ایڈٹ کئے نشر کی جبکہ انہوں نے تقریر میں ریاستی اداروں کے خلاف متنازع اور بے بنیاد الزامات لگائے تھے۔

پیمرکے جاری کردہ اعلامیہ میں کہا گیا ہے کہ اعظم سواتی سے متعلق ٹی وی چینلز پرکوئی ٹکر، خبر، بیان یا پروگرام نشر نہیں کیا جا سکتا ہے۔

اعلامیہ کے مطابق اعظم سواتی کی تقریر دوبارہ نشر کرنے اور انہیں کسی شو میں بطورمہمان بلانے اور بیان یا ٹکر چلانے پر پابندی ہوگی۔

اعظم سواتی کی ریاستی اداروں کے خلاف تقریر نشر کرنا پیمرا آرڈیننس، سپریم کورٹ اور ہائیکورٹ کے فیصلوں کی خلاف ورزی ہے۔

واضح رہے کہ گذشتہ روز ہی سینیٹر اعظم سواتی نے آزادی مارچ سے خطاب کیا تھا۔

imran khan

Azam Khan Swati

PEMRA

PTI long march 2022

Haqeeqi azadi march

Comments are closed on this story.

تبصرے

تبولا

Taboola ads will show in this div