Aaj News

عمران کا اسمبلیوں سے نکلنے کا اعلان، باپ بیٹے کے بیانات میں اختلاف

کوئی بھی مجھ سے وزیر اعلیٰ کا عہدہ نہیں چھین سکتا، ہم اپنی مدت پوری کریں گے، پرویز الہٰی
شائع 26 نومبر 2022 09:36pm
<p>فائل فوٹو</p>

فائل فوٹو

عمران خان کے اسمبلیوں سے نکلنے کے بیان پر وزیراعلیٰ پنجاب چوہدری پرویز الہیٰ کا کہنا ہے کہ پنجاب حکومت اپنی مدت پوری کرے گی۔

چوہدری پرویز الہٰی نے عمران خان کے فیصلے سے اختلاف کرتے ہوئے کہا کہ پنجاب میں سیاسی صورتِ حال کنٹرول میں ہے، جب تک اللہ نہ چاہے کوئی بھی مجھ سے وزیر اعلیٰ کا عہدہ نہیں چھین سکتا، ہم اپنی مدت پوری کریں گے۔

چوہدری پرویز الہٰی نے ایوان وزیراعلیٰ پنجاب میں دوپہر ساڑھے تین بجے عمران خان کے خطاب پہلے آل پاکستان نیوز پیپر سوسائٹی ( اے پی این ایس ) کے عہدیداران سے ملاقات میں کہا کہ اللہ تعالیٰ نے عہدہ دیا ہے، جو چیز اللہ تعالیٰ دیتا ہے اسے کوئی نہیں چھین سکتا، پنجاب حکومت اللہ تعالیٰ کے فضل و کرم سے قائم و دائم ہے، اللہ تعالیٰ کو یاد کر کے فیصلے کرتے ہیں جس کا پھل بھی ملتا ہے، کسی سے کوئی بغض نہیں مثبت سوچ رکھتے ہیں۔

وزیراعلیٰ پنجاب کا کہنا تھا کہ مختصر عرصے میں فلاح و بہبود کے بے پناہ کام کئے ہیں، ہماری نیت نیک اور سمت درست ہے۔

دوسری جانب پرویز الہیٰ کے بیٹے مونس الہیٰ کا کہنا ہے کہ ستائیس جولائی کو اللہ نے سرخرو کیا اور پرویز الہیٰ کو وزیراعلیٰ بنایا، اس دن سے ہم بونس پرچل رہے ہیں اور ہم وعدے پر قائم ہیں۔

مونس الہیٰ نے ٹوئٹ میں کہا کہ جس دن عمران خان نے کہا پنجاب اسمبلی توڑ دیں گے۔

imran khan

Chaudhry Pervaiz Elahi

Moonis Elahi

PTI long march Nov26 2022

Comments are closed on this story.

مقبول ترین