Aaj News

ہفتے کو عمران خان راولپنڈی میں آئندہ کا لائحہ عمل بتائیں گے، فواد چوہدری

راولپنڈی کا اجتماع اس حکومت سے چھٹکارا حاصل کرنے کیلئے ہوگا، سابق وفاقی وزیر
شائع 22 نومبر 2022 05:58pm

Elections essential for political and economic stability in Pakistan - Fawad Chaudhry | Aaj News

سابق وفاقی وزیر اور رہنما پاکستان تحریک انصاف (پی ٹی آئی) فواد چوہدری کا کہنا ہے کہ جمعے کی رات 35 سے 40 ہزار افراد پنڈی پہنچ جائیں گے۔

لاہور میں میڈیا سے گفتگو کرتے ہوئے فواد چوہدری نے کہا کہ 25 نومبر کی رات بڑی تعداد میں لوگ راولپنڈی پہنچ جائیں گے، کارکنان کی رہائش کے لئے خیمہ بستی بھی لگائی جا رہی ہے۔

انہوں نے کہا کہ جمعہ کی رات کو 35 سے 40 ہزار جب کہ ہفتے کو لاکھوں لوگ پنڈی پہنچ چکے ہوں گے، جہاں سے عمران خان شرکاء کو آئندہ کا لائحہ عمل بتائیں گے۔

پی ٹی آئی رہنما نے کہا کہ راولپنڈی کا اجتماع اس حکومت سے چھٹکارا حاصل کرنے کے لئے ہوگا، مہنگائی کے باعث عوام روزی روٹی کے لئے پریشان ہیں، یہ بھی نہیں پتا اسلام آباد والےکنٹینر ہمارے ڈر سے لگا رہے ہیں۔

فواد چوہدری کا کہنا تھا کہ پاکستان میں سیاسی و معاشی استحکام کے لئے الیکشن ضروری ہیں، شہباز شریف کو کوئی آواز بھی دے تو وہ جہاز پکڑ کر باہر چلے جاتے ہیں جب کہ سارے وزیر ملک سے باہر ہیں، لہٰذا اس سے نا لائق اور نااہل حکومت پاکستان کی تاریخ میں نہیں آئی۔

imran khan

Fawad Chaudhary

PTI long march 2022

PTI march Rawalpindi

Politics Nov23 2022

Comments are closed on this story.

مقبول ترین