Aaj News

جمعہ, مارچ 29, 2024  
18 Ramadan 1445  

’راولپنڈی میں ٹیکنوکریٹ حکومت لانے کی افواہیں گرم‘

'راولپنڈی میں غروب آفتاب سے پہلے عمران کا خطاب ختم کرانے کی کوشش کی جائے گی'
شائع 20 نومبر 2022 07:28pm
شیخ رشید کی زمان پارک میں عمران خان سے ملاقات (تصویر: ٹوئٹر/پی ٹی آئی)
شیخ رشید کی زمان پارک میں عمران خان سے ملاقات (تصویر: ٹوئٹر/پی ٹی آئی)

عوامی مسلم لیگ کے سربراہ شیخ رشید احمد کا کہنا ہے کہ راولپنڈی میں طویل عرصے کی ٹیکنوکریٹ حکومت لانے کی افواہیں گرم ہیں، مگر عمران خان صرف صاف شفاف اور قبل ازوقت انتخابات چاہتے ہیں.

چیئرمین تحریک انصاف عمران خان سے زمان پارک لاہور میں ملاقات کے بعد میڈیا سے گفتگو کرتے ہوئے شیخ رشید احمد کا کہنا تھا کہ 26 نومبر کو عوام کا سمندر راولپنڈی میں عمران خان کا استقبال کرے گا۔

انہوں نے کہا کہ عمران خان کو سیکیورٹی خدشات لاحق ہیں، اس لئے ان کا خطاب راولپنڈی میں غروب آفتاب سے پہلے ختم کرانے کی کوشش کی جائے گی۔

شیخ رشید کا کہنا تھا کہ ٹیکنو کریٹ حکومت لانے کی افواہیں موجود ہیں لیکن عمران خان کو یہ تجویز ہرگز قبول نہیں ہوگی، وہ قبل از وقت شفاف انتخابات چاہتے ہیں۔

سربراہ عوامی مسل لیگ نے کہا کہ نااہل حکمرانوں کے دن گنے جاچکے ہیں، انہیں اب جانے سے کوئی نہیں روک سکتا۔

ایک سوال کے جواب میں ان کا کہنا تھا کہ بلاول بھٹو صدر کو دھمکی دینے سے پہلے سوچ لیں، انہیں لال حویلی سے ہوکر جانا پڑے گا۔

Sheikh Rasheed

imran khan

PTI long march 2022

Haqeeqi azadi march

PTI march Rawalpindi

Comments are closed on this story.

تبصرے

تبولا

Taboola ads will show in this div