Aaj News

جمعہ, مارچ 29, 2024  
18 Ramadan 1445  

’ پیسہ چلاکر لیڈر نکالا جائیگا تو عوام خاموش نہیں رہیں گے’

آپ لوگوں کے لیے خوشخبری لے کرآ رہا ہوں، اسد عمر
شائع 19 نومبر 2022 06:04pm
اسد عمر کا روات میں آزادی مارچ کے شرکاء سے خطاب
اسد عمر کا روات میں آزادی مارچ کے شرکاء سے خطاب

پاکستان تحریکِ انصاف کے رہنما اسد عمر کا کہنا ہے کہ پیسہ چلاکر عوام کا لیڈر نکالا جائیگا تو عوام خاموش نہیں رہیں گے۔ عمران خان نےکہا نہ خود جھکوں گا نہ ہی جھکنےدوں گا۔

روات میں لانگ مارچ کے شرکا سے خطاب کرتے ہوئے رہنما پی ٹی آئی اسد عمر نے کہا کہ آپ کے کپتان نے امریکا کو ایبسلیوٹلی ناٹ کاجواب دیا، یہ سفر سازشوں کی وجہ سے شروع ہوا، ضمیروں کی منڈی لگی۔ یہ سمجھتے ہیں سازش سے عمران خان گھر چلا جائے گا۔ سمجھتے ہیں عمران خان گھرجائیں گے تو قوم خاموش ہوکر بیٹھ جائے گی۔

انہوں نے خطاب میں کہا کہ کیا وجہ ہے لوگ اتنی لمبی مسافت طے کرکے پنڈی آنے کےلیےتیار ہیں۔ ایک سازش جس میں لوگوں کے ایمان بکتے نظر آتے ہیں۔ یہ سمجھتے تھے کہ بیرونی آقاؤں کی غلامی کرتے رہے ہیں، ساری قوم تیار ہوجائے۔

اسد عمر کا کہنا تھا کہ یہاں آج تاریخ کا سب سے بڑا اجتماع ہونے جارہا ہے۔ آج چیئرمین پی ٹی آئی عمران خان اہم اعلان کریں گے۔ پچھلے 10 دن سے پنجاب کے مختلف شہروں سے ہوتا ہوا آ رہا ہوں۔ لوگوں کا عمران خان پر اطمینان دیکھ کر آ رہا ہوں۔

رہنما پی ٹی آئی نے کہا کہ آپ لوگوں کے لیے خوشخبری لے کرآ رہا ہوں، 10 اپریل کو لاکھوں لوگ عمران خان کے حق میں باہر نکلے۔

Asad Umer

PTI long march 2022

Haqeeqi azadi march

Politics Nov 19 2022

Rawat

Comments are closed on this story.

تبصرے

تبولا

Taboola ads will show in this div