پاکستان پیپلزپارٹی کے شریک چیئرمین آصف علی زرداری اور مولانا فضل الرحمان سے وزیرخزانہ اسحاق ڈارکی سربراہی میں ن لیگ کے وفد نے ملاقات کی ہے۔

وفاقی وزیرخزانہ اسحاق نے خواجہ سعد رفیق اور سردار ایاز صادق کے ہمراہ پاکستان ڈیموکریٹک موومنٹ کے سربراہ مولانا فضل الرحمان سے ملاقات کی۔

ذرائع کے مطابق ملاقات میں ملک کی سیاسی، معاشی صورتحال اور پی ٹی آئی کے آزادی مارچ سے متعلق تبادلہ خیال کیا گیا۔

ذرائع کا دعوی ہے کہ اسحاق ڈارنے سابق وزیراعظم نوازشریف کا خصوصی پیغام بھی مولانا فضل الرحمان کوپہنچایا۔

جبکہ وزیرخزانہ اسحاق ڈارنے وفد کے ہمراہ زرداری ہاؤس جا کرآصف زرداری اوربلاول بھٹوسے ملاقات کی۔

ملاقات کے دوران سیاسی صورتحال، اہم تقرری و باہمی دلچسپی کے امورپرغورکیا گیا۔

اسحاق ڈارنے آصف زرداری کوبھی نوازشریف کا خصوصی پیغام پہنچایا۔