Aaj News

جب تک حقیقی آدازی نہیں ملے گی یہ قوم رُکنے والی نہیں، اسد عمر

قوم غلامی کو نامنظور کر چکی، ہم نے امریکا کے فیصلے نہیں ماننے
شائع 12 نومبر 2022 06:29pm
<p>پی ٹی آئی رہنما اسد عمر کا جھنگ میں مارچ شرکاء سے خطاب۔ فوٹو — اسکرین گریب</p>

پی ٹی آئی رہنما اسد عمر کا جھنگ میں مارچ شرکاء سے خطاب۔ فوٹو — اسکرین گریب

جھنگ: رہنما پاکستان تحریک انصاف (پی ٹی آئی) اسد عمر کا کہنا ہے کہ یہ لوگ جتنا خوف پھیلانےکی کوشش کررہے ہیں پاکستانی قوم اتنی دلیر ہوتی جارہی ہے۔

اسد عمر دربار سلطان باہو سے ریلی کی صورت میں جھنگ پہنچے، ممبران قومی و صوبائی اسمبلی اورپی ٹی آئی کی ضلعی قیادت بھی اسد عمر کے ہمراہ تھے جب کہ اس موقع پر سکیورٹی کے لئے دو ہزار سے زائد مرد خواتین پولیس اہلکار تعینات کیے گئے۔

جھنگ میں آزادی مارچ کے شرکاء سے خطاب کرتے ہوئے اسد عمر کا کہنا تھا کہ ایک نڈر صحافی جو سوال پوچھتا تھا اسے ملک چھوڑ کر جانا پڑا، سچ دکھانے پر پاکستان کے میڈیا کو ہراساں کیا اور اسی وجہ سے ارشد شریف جیسے صحافی کو کینیا میں قتل کردیا جاتا ہے۔

انہوں نے کہا کہ قوم غلامی کو نامنظور کر چکی ہے، اب ہم نے امریکا کے فیصلے نہیں ماننے، عمران خان کی سب سے بڑی طاقت عوام ہیں جس سے یہ لوگ خوفزدہ ہیں۔

پی ٹی آئی رہنما کا کہنا تھا کہ یہ جتنا خوف پھیلانے کی کوشش کررہے ہیں پاکستانی قوم اتنی دلیر ہوتی جارہی ہے، لہٰذا قوم کے فیصلے کے سامنے اپنا سر تسلیم خم کرو کیونکہ جب تک حقیقی آزادی نہیں ملے گی یہ قوم رکنے والی نہیں۔

imran khan

Asad Umer

Jhang

Azadi March Nov12 2022

Comments are closed on this story.

مقبول ترین