Aaj News

جمعرات, مارچ 28, 2024  
17 Ramadan 1445  

دوست مزاری کی درخواست ضمانت پراینٹی کرپشن کو نوٹس جاری

اینٹی کرپشن کے جج خالد محمود بھٹی 7 نومبر کو سماعت کریں گے
اپ ڈیٹ 05 نومبر 2022 02:49pm
تصویر: فیس بک
تصویر: فیس بک

لاہورکی اینٹی کرپشن عدالت نے سابق ڈپٹی اسپیکر دوست مزاری کی درخواست ضمانت پر محکمہ اینٹی کرپشن کو نوٹس جاری کرتے ہوئے 7 نومبر کو جواب طلب کرلیا۔

اینٹی کرپشن کورٹ لاہور کے جج خالد محمود بھٹی نے سابق ڈپٹی اسپیکر پنجاب اسمبلی کی درخواست ضمانت پر سماعت کی۔

دوست محمد مزاری کے وکیل فرہاد علی شاہ ایڈوکیٹ نے دلائل میں کہا کہ اینٹی کرپشن نے سیاسی بنیادوں پر سابق ڈپٹی اسپیکر پنجاب اسمبلی دوست محمد مزاری پر مقدمہ درج کیا۔

دوست محمد مزاری اس الزام میں جوڈیشل ریمانڈ پر جیل میں ہیں۔ ملزم سے مزید تفتیش نہیں ہونی، ایسی صورت میں جیل میں رکھنے کا کوئی جواز نہیں ہے۔

عدالت سے استدعا ہے کہ دوست محمد مزاری کو ضمانت پر رہا کرنے کا حکم دیا جائے۔

عدالت نے دلائل سننے کے بعد محکمہ اینٹی کرپشن کو سات نومبر کیلئے نوٹس جاری کرتے ہوئے جواب طلب کرلیا۔

punjab

anti corruption

dost muhammad mazari

Comments are closed on this story.

تبصرے

تبولا

Taboola ads will show in this div