پاکستان تحریک انصاف (پی ٹی آئی) کراچی کے صدر بلال غفار کا کہنا ہے کہ ہمارے 18 سے 20 کارکنان کو گرفتار کیا گیا ہے، تمام کارکنان کو فی الفور آزاد کیا جائے۔

کراچی میں پریس کانفرنس کرتے ہوئے بلال غفار نے کہا کہ ہم پر پولیس نے ایف ٹی سی کے مقام پر لاٹھی چارج کیا، آنسو گیس کے شیل فائر کئے۔

ان کا کہنا تھا کہ جب سے ریجیم چینج ہوا ہے ہم احتجاج کر رہے ہیں، آج بھی ہم پرامن احتجاج کر رہے تھے۔

انہوں نے مزید کہا کہ آج پولیس نے دہشتگردی کی ہے، میں نے تمام ورکرز کو کال دے دی ہے، ہم ابھی تھوڑی دیر میں شارع فیصل پہنچے گے۔