چیف کمشنراسلام آباد نے پی ٹی آئی کے حقیقی آزادی مارچ اورامن و امان کی ممکنہ صورتحال کے پیش نظر اسلام آباد میں سب جیل قائم کردی۔

اس حوالے سے نوٹیفکیشن بھی جاری کر دیا گیا ہے، جس کے مطابق سی آئی اے بلڈنگ انڈسٹریل ایریا کو سب جیل قرار دیا گیا ہے، نقص امن میں گرفتار افراد کو سب جیل میں رکھا جائے گا ۔

اعلامیے کے مطابق سب جیل میں قیدیوں اور عمارت کی سیکیورٹی آئی جی پولیس کے سپرد کر دی گئی ہے، قیدیوں کا ریکارڈ گریڈ 17 کے پولیس افسر کے پاس ہو گا ۔