Aaj News

حملے کے باوجود حقیقی آزادی مارچ جاری رکھنے کا اعلان

پارٹی کی سینئر قیادت کا اجلاس ہفتہ کو طلب
اپ ڈیٹ 03 نومبر 2022 09:21pm
<p>پی ٹی آئی آزادی مارچ کا ایک منظر</p>

پی ٹی آئی آزادی مارچ کا ایک منظر

پاکستان تحریک انصاف نے وزیرآباد میں عمران خان کے کنٹینر پر قاتلانہ حملے کے باوجود حقیقی آزادی مارچ جاری رکھنے کا اعلان کیا ہے۔

یہ اعلان پی ٹی آئی کے فواد چوہدری نے ایک ٹوئیٹ میں کیا۔

فواد چوہدری نے کہا کہ ”عمران خان اس وقت آپریشن تھیٹر میں ہیں اللہ ان کی حفاظت کرے، کل سینئر لیڈرشپ کا اجلاس لاہور میں طلب کیا گیا ہے، #حقیقی_آزادی_مارچ جاری رہے گا اور جب تک عام انتخابات کا اعلان نہیں کیا جاتا عوام کے حقوق کی یہ تحریک جاری رہے گی۔“

تاہم فواد چوہدری نے یہ نہیں بتایا کہ آزادی مارچ کب دوبارہ شروع ہوگا اور کیا یہ ہفتہ کی صبح اپنا سفر دوبارہ شروع کر دے گا۔

فی الحال کنٹینر پر پولیس اور دیگر ادارے تفتیش کر رہے ہیں۔ جب کہ عمران خان کا علاج کرنے والے ڈاکٹروں کی جانب سے ڈاکٹر فیصل سلطان نے بتایا ہے کہ عمران خان کی صحت یابی اور ان کے اسپتال سے ڈسچارج ہونے کے بارے میں ہفتہ تک ہی کچھ بتایا جا سکے گا۔

عمران خان کو سیدھی ٹانگ پر گولی کے ٹکڑے لگے ہیں، ڈاکٹر فیصل سلطان

ڈاکٹر فیصل سلطان کے مطابق عمران کان کو سیدھی ٹانگ پر گولی کے ٹکڑے لگے ہیں۔

Fawad Chaudhary

PTI long march 2022

Azadi March Nov3 2022

Comments are closed on this story.

مقبول ترین