وزیرخارجہ بلاول بھٹو زرداری کی چینی ہم منصب وانگ ژی سے بیجنگ میں ملاقات ہوئی، وفود کے ہمراہ ملاقات کےدرمیان پاک چین سفارتکاری کے دو طرفہ امور ، علاقائی اور عالمی صورتحال پر تبادلہ خیال کیا گیا۔

دونوں ملکوں کی جانب سے تمام اہم امور پر ایک دوسرے کی مکمل حمایت کے عزم کا اعادہ کیا گیا۔

وزیرخارجہ نے دونوں ملکوں کے تعلقات پر اطمینان کا اظہارکرتے ہوئے کہا کہ تمام شعبوں میں دوطرفہ تعاون میں اضافہ ہورہا ہے، چین کی ترقی عالمی امن کے لئے ایک بڑھتی ہوئی قوت اور عالمی استحکام کے لئے ایک مضبوط عنصر ہے۔

وانگ ژی نے کہا کہ چین پاکستان تعلقات کو نئی تحریک ملے گی، چین آفات کے بعد تعمیر نو کے کاموں میں پاکستان کو مدد فراہم کرتا رہے گا۔

بلاول بھٹو نے 20ویں سی پی سی نیشنل کانگریس کی کامیابی پر چینی ہم منصب کو مبارکباد دی۔