Aaj News

مارچ چار کے بجائے 10 نومبر کو اسلام آباد پہنچے گا، فواد

عدالت محدود حد تک ہی ہجوم کو محدود کر سکتی ہے۔ پی ٹی آئی رہنما
شائع 01 نومبر 2022 08:54am
<p>فواد چوہدری۔ فائل فوٹو</p>

فواد چوہدری۔ فائل فوٹو

پی ٹی آئی رہنما فواد چوہدری نے کہا ہے کہ حقیقی آزادی مارچ جمعہ 4 نومبر کے بجائے تقریباً ایک ہفتے کی تاخیر سے اگلے جمعہ یعنی 10 نومبر کو اسلام آباد پہنچے گا۔

اے آر وائی کی اینکر ماریہ میمن سے ان کے پروگرام ”سوال یہ ہے“ میں گفتگو کرتے ہوئے فواد چوہدری نے کہا کہ ”ہزاروں لوگ کنٹینر کے ساتھ چلتے ہیں اور ہم زیادہ رفتار کے ساتھ آگے نہیں بڑھ سکتے کیوںکہ حادثوں کا خطرہ بڑھ جاتا ہے۔۔“

انہوں ںے کہاکہ“ہم روز 10 سے 12 کلومیٹر سے زیادہ سفر نہیں کر پا رہے۔ سیکیورٹی کے خطرات کے بعد فیصلہ ہوا تھا کہ مغرب کے بعد سفر نہیں کریں گے۔ یوں لگ نہیں رہا کہ ہم جمعے کو پہنچیں گے بلکہ یوں لگ رہا ہے کہ ہم اگلے جمعرات یا جمعے کو اسلام آباد پہنچیں گے۔“

حکومت کی جانب سے ریڈ زون میں توسیع اور مارچ کے اسلام آباد پہنچنے کے بعد جی نائن تک محدود رہنے کے حوالے سے سوال پر فواد چوہدری نے لوگ اتنے زیادہ ہوں گے کہ یہ سوال بے معنی ہو جائے گا۔

ریڈزون میں جانے یا باہر دھرنا دینے کے حوالے سے سوال پر فواد چوہدری نے کہاکہ ”یہ کراؤڈ پر منحصر ہے۔ کتنا بڑا کراؤڈ ہے۔ اگر بہت بڑا کراؤڈ ہو تو ظاہر ہے کہ۔۔۔ اور ویسے بھی کورٹ جو ہے وہ ایک محدود حد تک ہی اس کو محدود کر سکتی ہے۔“

بات چیت کے دوران فواد چوہدری ان کا یہ بھی کہنا تھا کہ بیک ڈور رابطوں کا سلسلہ جاری ہے اور عمران خان کا یہی مطالبہ ہے کہ قبل از وقت انتخابات کرائے جائیں۔

انہوں ںے یہ بھی کہاکہ جلسے کے ساتھ ساتھ دھرنے کی بھی تیاری کی گئی ہے۔

pti

Fawad Chaudhary

Haqeeqi azadi march

Azadi March Nov1 2022

Comments are closed on this story.

مقبول ترین