Aaj News

جمعہ, مارچ 29, 2024  
18 Ramadan 1445  

جموں وکشمیر کے بڑے حصے پر بھارتی فوجی قبضے کو 75 سال مکمل

کشمیری آج بھارتی قبضے کے خلاف ہڑتال کریں گے
شائع 27 اکتوبر 2022 08:45am
تصویر: آج نیوز
تصویر: آج نیوز

بھارت کی جانب سے ریاست جموں وکشمیر کے بڑے حصے پر فوجی قبضے کو 75 سال مکمل ہوگئے، جس کے خلاف کشمیری آج ہڑتال کریں گے۔

کشمیری لاکھوں جانیں قربان کرنے کے باوجود آزادی سے محروم ہیں جبکہ آج مقبوضہ کشمیر، آزاد کشمیر اور دنیا بھر میں مقیم کشمیری یوم سیاہ منا رہے ہیں۔

آج ہی کے دن 27 اکتوبر 1947 کو بھارت نے کشمیری عوام کی مرضی و منشاء کے برخلاف مقبوضہ کشمیر افواج اتار کر قبضہ جمالیا تھا۔

اس کے علاوہ مقبوضہ ریاست میں لاکھوں کشمیری شہری آج بھارتی فوجی قبضے کے خلاف ہڑتال کریں گے۔

آزاد کشمیردارالحکومت مظفرآباد میں بھارتی فوجی قبضے کے خلاف پاسبان حریت جموں کشمیر کے زیر اہتمام احتجاج مظاہرہ کیا جائے گا۔

آزادی چوک مظفرآباد سےاقوامِ متحدہ کے مبصر دفتر تک مارچ کیا جائے گا جبکہ کشمیری مظاہرین زنجیریں پہن کر مارچ کریں گے۔

اقوام متحدہ کے مبصرین کو بھارتی فوجی قبضے کے خاتمے اور استصواب رائے کرانے سے متعلق قرارد بھی پیش کی جائے گی۔

Indian occupied Kashmir

black day

Jammu Kashmir

Comments are closed on this story.

تبصرے

تبولا

Taboola ads will show in this div