Aaj News

جمعہ, مارچ 29, 2024  
18 Ramadan 1445  

ٹی 20 ورلڈ کپ میں مایوس کن پرفارمنس، ویسٹ انڈیز کے ہیڈ کوچ مستعفی

فل سمنز آسٹریلیا کے خلاف ٹیسٹ سیریز کے بعد عہدہ چھوڑ دیں گے
شائع 25 اکتوبر 2022 12:48pm
ویسٹ انڈین ہیڈ کوچ فل سمنز
ویسٹ انڈین ہیڈ کوچ فل سمنز

آسٹریلیا میں جاری آئی سی سی ٹی20ورلڈ کپ کے کوالیفائنگ مرحلے میں مایوس کن پرفارمنس پر ویسٹ انڈیز کرکٹ ٹیم کے ہیڈ کوچ فل سمنزنے مستعفی ہونے کا اعلان کردیا۔

ویسٹ انڈیز کرکٹ کے مطابق فل سمنز آئندہ ماہ آسٹریلیا کے خلاف ٹیسٹ سیریز کے بعد عہدہ چھوڑ دیں گے۔

فل سمنزکا کہنا ہے کہ ٹی 20 ورلڈ کپ سے باہر ہونے پر دکھ ہے، فینز سے معذرت خواہ ہوں، ہیڈ کوچ کے عہدے سے کنارہ کشی کا فیصلہ سوچ سمجھ کیا ہے، اس فیصلے کے بعد آسٹریلیا کے خلاف سیریز پر زیادہ بہتر فوکس کرسکوں گا۔

فل سمنز اس سے قبل بھی 2 بار ویسٹ انڈین ٹیم کے ہیڈ کوچ رہ چکے ہیں، ان کی کوچنگ میں ٹیسٹ کرکٹ میں پرفارمنس کچھ بہتر رہی تاہم ٹی 20 میچز میں رزلٹ توقعات کے مطابق نہیں آسکے۔

واضح رہے کہ ٹی 20ورلڈ کپ کے کوالیفائنگ راؤنڈ میں اسکاٹ لینڈ اور آئرلینڈ کے ہاتھوں شکست کے باعث 2مرتبہ کی چیمپئن ویسٹ انڈیز کوالیفائنگ راؤنڈ سے ہی باہر ہوگئی تھی اور ٹیم سپر 12 مرحلے تک بھی رسائی حاصل نہیں کرسکی تھی، جس کے بعد کوچ کو شدید تنقید کا نشانہ بنایا جارہا تھا۔

ICC

resign

head coach

Australia

West Indies

T20 World Cup

Phil Simmons

Comments are closed on this story.

تبصرے

تبولا

Taboola ads will show in this div