Aaj News

جمعہ, مارچ 29, 2024  
18 Ramadan 1445  

افغان سرزمین سے پاکستانی فوجی چوکی پر فائرنگ، لانس حوالدار شہید

شہید کا تعلق صوابی کے علاقے چھوٹا لاہور سے ہے۔
شائع 23 اکتوبر 2022 09:27pm

افغان سرزمین سے پاکستانی فوجی چوکی پر دہشت گردوں کے حملے کے نتیجے میں لانس حوالدار وقار علی شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق دہشتگردوں نے افغان سرزمین استعمال کرتے ہوئے شمالی وزیرستان کے علاقے حسن خیل میں پاکستان کی ملٹری چیک پوسٹ پرفائرنگ کی جس کا بھرپورجواب دیا گیا۔

شدید فائرنگ کے تبادلے میں لانس حوالدار وقارعلی شہید ہوگئے، 32 سالہ شہید کا تعلق صوابی کے علاقے چھوٹا لاہور سے ہے۔

آئی ایس پی آر کے مطابق افغانستان کی سرزمین باربار پاکستان کے خلاف دہشت گردی کی سرگرمیوں کے لئے استعمال ہورہی ہے جس کی پاکستان مذمت کرتا ہے اور افغان حکام پر زوردیتا آیا ہے کہ بارڈر منیجمنٹ کے لئے موثراقدامات کرے۔

ترجمان کا کہنا تھا کہ پاکستان آرمی دہشت گردی کی لعنت کے خاتمے کے لئے پرعزم ہے، ہمارے بہادر سپاہیوں کی ایسی قربانیاں دہشت گردی کے خلاف ہمارے عزم کو مزید مضبوط بناتی ہیں۔

afghanistan

ISPR

پاکستان

border

Comments are closed on this story.

تبصرے

تبولا

Taboola ads will show in this div