Aaj News

جمعہ, مارچ 29, 2024  
18 Ramadan 1445  

پاکستان میں اقلیتوں کو مساوی مواقع فراہم کیے جا رہے ہیں: وزیراعلیٰ پنجاب

اقلیتوں سے بہتر سلوک اور احترام دین اسلام کا خاصا ہے، پرویز الٰہی
شائع 23 اکتوبر 2022 04:55pm
وزیراعلیٰ پنجاب چوہدری پرویز الٰہی (فوٹو:فائل)
وزیراعلیٰ پنجاب چوہدری پرویز الٰہی (فوٹو:فائل)

وزیراعلیٰ پنجاب چودھری پرویزالٰہی کا کہنا ہے کہ پاکستان میں ہندو اور دیگر اقلیتی برادریوں کو مساوی مواقع فراہم کئے جا رہے ہیں، اقلیتی برادری کے طلباء کو سرکاری تعلیمی اداروں میں میٹرک سے پی ایچ ڈی تک اسکالر شپ دی جا رہی ہے۔

وزیراعلیٰ آفس میں دیوالی کی مناسبت سے تقریب میں وزیراعلیٰ پنجاب چودھری پرویزالٰہی نے ہندو اور دیگر اقلیتی برادریوں کے ساتھ مل کر کیک کاٹا۔

پرویز الٰہی نے پاکستان میں مقیم ہندو برادری کو دیوالی کی مبارکباد دی جبکہ ہندو برادری کی جانب سے وزیراعلیٰ کو اجرک کا تحفہ دیا گیا۔

اس موقع پر گفتگو کرتے ہوئے چودھری پرویز الٰہی کا کہنا تھا کہ دیوالی پر ہندو برادری کی خوشیوں میں شریک ہیں، اقلیتوں سے بہتر سلوک اور احترام دین اسلام کا خاصا ہے-اقلیتوں کے حقوق کی حفاظت ریاست کی ذمہ داری ہے، پاکستان میں ہندو برادری سمیت تمام اقلیتوں کو یکساں حقوق حاصل ہیں۔

وزیراعلیٰ پنجاب نے اعلان کیا کہ اقلیتی برادری کے طلباء کو سرکاری تعلیمی اداروں میں میٹرک سے پی ایچ ڈی تک اسکالر شپ دیئے جا رہے ہیں، اعلیٰ تعلیمی اداروں میں اقلیتی برادری کیلئے 2 فیصد کوٹہ مقرر ہے جبکہ ملازمتوں میں 5 فیصد کوٹے پر عملدرآمد کیلئے ہدایات جاری کردی ہیں۔

cm punjab

Chaudhry Pervaiz Elahi

Diwali

hindu community

Comments are closed on this story.

تبصرے

تبولا

Taboola ads will show in this div