سابق وزیرداخلہ شیخ رشید نے کہا کہ ملک کمیشن خوروں کی منڈی اورچور چور بین الاقوامی نعرہ بن گیا ہے۔

سماجی رابطے کی ویب سائٹ ٹوئٹر پر جاری بیان میں عوامی مسلم لیگ کے سربراہ شیخ رشید نے کہا کہ اپنے کیسزختم، غریب ختم، بجلی غائب، گیس غائب، زرمبادلہ کے ذخائر کم اور کاروبار ٹھپ ہے، مطلوبہ نتائج نہ ملنے پر لانے والے بھی پشیمان ہیں۔

شیخ رشید نے مزید کہا کہ ملک کمیشن خوروں کی منڈی بن گیا ہے، چور چور بین الاقوامی نعرہ بن گیا ہے، انڈیا اسرائیل سے تعلقات اور برطانیہ سے پاکستانیوں کا عنقریب ڈی پورٹ ہونا خفیہ معاہدے ہیں۔