Aaj News

منگل, مارچ 19, 2024  
08 Ramadan 1445  

جرمنی کا سیلاب متاثرین کیلئے ایک کروڑ یورو امداد کا اعلان

جرمنی، پاکستان کا اہم ترین تجارتی شراکت دارہے، جرمن وزیر خارجہ
شائع 07 اکتوبر 2022 08:31pm
10 million euro support for Pakistan | Complete press conference | Aaj News

جرمنی نے پاکستان میں سیلاب متاثرین کے لیے ایک کروڑیورو امداد دینے کا اعلان کردیا۔

جرمنی دارالحکومت برلن میں وزیر خارجہ بلاول بھٹو زرداری کے ہمراہ پریس کانفرنس کے دوران جرمن وزیر خارجہ انالینا بیئر بورک نے کہا کہ سیلاب کی وجہ سے پاکستان بری طرح متاثرہ ہوا جس کا اندازہ لگانا مشکل ہے۔

انہوں نے کہا کہ سیلاب متاثرین خصوصاً بچے کھلے آسمان تلے رہنے پر مجبور ہیں جب کہ سیلابی پانی سے پیدا ہونے والا مچھر ملیریا کا سبب بن رہا ہے۔

جرمن وزیرخارجہ کا کہنا تھا کہ جرمنی، پاکستان کا اہم ترین تجارتی شراکت دارہے اور جرمن کمپنیاں پاکستان میں انفراسٹرکچر منصوبوں میں سرمایہ کاری کررہی ہیں۔

انالینا بیئر بورک نے کابل سے متعلق کہا کہ افغانستان کے معاملے پر پاکستان کا کردار ہمیشہ اہم رہا ہے، پاکستان کے تعاون سے افغانستان سے بڑی تعداد میں انخلا ممکن ہوا۔

اس موقع پر وزیر خارجہ بلاول بھٹو کا کہنا تھا کہ پاکستان اور جرمنی کے درمیان بہترین سفارتی تعلقات ہیں جو کہ مزید مضبوط ہوتے جارہے ہیں، پاکستان میں مون سون اگست کے اختتام تک جاری رہاجس دوران ملک میں شدید بارشیں ہوئیں۔

ان کا کہنا تھا کہبارشوں کے باعث ملک میں سیلابی صورتحال پیدا ہوئی، پاکستان اس وقت سیلاب کی صورتحال میں مشکل ترین حالات سے گزررہا ہے، سیلاب نے پاکستان میں تاریخ کی بڑی تباہی پھیلائی، ملک کا ایک تہائی رقبہ سیلاب سے شدید متاثر ہوا ہے۔

Germany

Bilawal Bhutto Zardari

floods

Berlin

Pakistan Floods

Aid for Flood Relief

Comments are closed on this story.

تبصرے

تبولا

Taboola ads will show in this div