Aaj News

جمعرات, مارچ 28, 2024  
17 Ramadan 1445  

وزیر خزانہ اور گورنر اسٹیٹ بینک کی ملاقات، مالیاتی اقدامات پر تبادلہ خیال

معاشی بحالی کے عزم کا اظہار۔۔۔
شائع 01 اکتوبر 2022 03:36pm
اسلام آباد: وزیر خزانہ اسحاق ڈار گورنر اسٹیٹ بینک سے ملاقات کر رہے ہیں- فوٹو (ریڈیو پاکستان)
اسلام آباد: وزیر خزانہ اسحاق ڈار گورنر اسٹیٹ بینک سے ملاقات کر رہے ہیں- فوٹو (ریڈیو پاکستان)

وفاقی وزیر برائے خزانہ سینیٹر اسحاق ڈار سے فنانس ڈویژن اسلام آباد میں گورنر اسٹیٹ بینک جمیل احمد کی ملاقات میں معیشت کے استحکام اور نمو کے لیے اٹھائے جانے والے مالیاتی اقدامات پر تبادلہ خیال کیا۔

اسلام آباد میں وفاقی وزیرخزانہ اسحاق ڈار سے گورنراسٹیٹ بینک جمیل احمد نے ملاقات کی۔

گورنر اسٹیٹ بینک جمیل احمد نے وزیر خزانہ کو عہدہ سنبھالنے پر مبارکباد پیش کی ہے۔

اس موقع پر گورنر اسٹیٹ بینک نے کہا کہ وزیر خزانہ کی آمد کے ساتھ ہی روپے کی قدر میں اضافے سے مارکیٹ کے جذبات میں کافی بہتری آئی ہے۔

ان کا کہنا تھا کہ اسٹیٹ بینک موجودہ حکومت کی پالیسیوں کے مطابق معاشی بحالی کے عمل کی حمایت کے لیے پوری طرح پرعزم ہے۔

جبکہ وزیرخزانہ اسحاق ڈار نے ڈیجیٹل بینکنگ متعارف کرانے پراسٹیٹ بینک کے اقدامات کوسراہا اور کہا کہ پائیدار اور موثر اقتصادی ترقی کے لیے مالیاتی اور مالیاتی پالیسی میں ہم آہنگی ناگزیر ہے۔

Finance minister

governor state bank

Digital Banking

Comments are closed on this story.

تبصرے

تبولا

Taboola ads will show in this div