Aaj News

خواجہ سراؤں کیلئے کمپلینٹ مینجمنٹ سسٹم شروع کردیا گیا

شکایت کیلئے 1099 پر کال کیا جا سکتا ہے
اپ ڈیٹ 30 ستمبر 2022 04:00pm

خواجہ سراؤں کی فلاح و بہبود کیلئے سنٹرلائزڈ کمپلینٹ مینجمنٹ سسٹم شروع کردی گئی۔

وزیر اعظم کے اسٹریٹجک ریفارمز یونٹ اور وزارت انسانی حقوق کے زیر اہتمام خواجہ سراؤں کے لیے یہ سہولت شروع کی گئی ہے۔

ٹرانس جینڈر کمپلینٹ مینجمنٹ پورٹل پر لائیو ہے، شکایت کے اندراج کے لیے 1099 پر کال بھی کیا جا سکتا ہے۔

اس حوالے سے سلمان صوفی کا کہنا ہے کہ خواجہ سرا شہریوں کی شکایت کے انتظام کا نظام شکایات کے ازالے کے عمل کو ہموار اور مرکزی بنانے میں ایک پیش رفت ہے۔

انہوں نے بتایا کہ یہ نظام انسانی حقوق کی وفاقی وزارت اور متعلقہ اے آئی جی آفس کو ملک بھر میں خواجہ سراؤں کے سوالات اور شکایات کا فوری اور مؤثر طریقے سے جواب دینے کے قابل بنائے گا۔

اس موقع پر خواجہ سراؤں کے حقوق کی کارکن نایاب علی نے کہا کہ وزیر اعظم کے دفتر نے وزارت انسانی حقوق کے ساتھ مل کر خواجہ سراؤں کے لیے ’ٹرانس جینڈر سٹیزن کمپلینٹ مینجمنٹ سسٹم‘ کا آغاز کیا جو کہ ان کے تحفظ اور حمایت کے لیے ایک منفرد اور تاریخی قدم ہے۔

انہوں نے کہا کہ ٹرانسجینڈر جو افراد کے لیے اپنے مسائل اور مسائل کے بارے میں شکایت کرنے کے لیے پلیٹ فارم استعمال کریں گے۔

انہوں نے مزید کہا کہ ہیلپ لائن 1099 کے قیام سے نہ صرف خواجہ سراؤں کی حوصلہ افزائی ہو گی بلکہ معاشرے کی تمام مشکلات اور منفی دھڑوں کا مقابلہ کرنے کے لیے ان میں خود اعتمادی بھی بڑھے گی جو خواجہ سراؤں کے لیے مسائل کا باعث بنتی ہیں۔

Transgenders in Pakistan

Transgender Act

complaint management system

Comments are closed on this story.

مقبول ترین