Aaj News

نواز شریف کی جائیداد نیلامی کیخلاف حکم امتناعی کی درخواستوں پر جواب طلب

نواز شریف کے وطن واپس آنے پر جائیداد کی نیلامی کا عمل چیلنج ہو جائے گا، درخواست
شائع 26 ستمبر 2022 01:25pm
<p>عدالت نے کیس کی سماعت 24 اکتوبر تک ملتوی کردی۔
فوٹو۔۔۔۔۔۔۔۔۔۔۔۔۔ فائل</p>

عدالت نے کیس کی سماعت 24 اکتوبر تک ملتوی کردی۔ فوٹو۔۔۔۔۔۔۔۔۔۔۔۔۔ فائل

احتساب عدالت لاہور نے سابق وزیراعظم نواز شریف کی جائیداد نیلامی کے خلاف حکم امتناعی کی درخواستوں پر نیب کے تفتیشی افسر سے جواب طلب کرلیا۔

لاہور کی احتساب عدالت نمبر ایک نے نواز شریف کے خلاف بطور وزیر اعلیٰ پنجاب جوہر ٹاؤن میں پلاٹ الاٹمنٹ کیس میں جائیداد نیلامی حکم کے خلاف نیب ترمیمی آرڈیننس کے تحت دائرہ اختیار کی درخواست پر سماعت کی۔

متاثرین درخواست گزاروں کی جانب سے نیب ترمیمی آرڈیننس 2022 کے تحت نیب کے دائرہ اختیار کو چیلنج کیا گیا ہے۔

درخواست میں مؤقف اختیار کیا گیا ہے کہ نواز شریف کے وطن واپس آنے پر جائیداد کی نیلامی کا عمل چیلنج ہو جائے گا، بہتر ہے نیلامی کچھ عرصہ کے لئے روک دی جائے، شمیم زرعی فارم کرایہ داروں کے پاس ہیں، نیلامی سے شمیم زرعی فارم کے کرایہ داروں کے حقوق متاثر ہوں گےجبکہ عدالت اپنے نیلامی کے فیصلے پر نظرثانی کرتے ہوئے حکم امتناعی جاری کرے۔

عدالت نے آئندہ سماعت پر نیب ترمیمی آرڈیننس کے تحت دائرہ اختیار سے متعلق تفتیشی افسر سے جواب طلب کرتے ہوئے سماعت 24اکتوبر تک ملتوی کردی۔

PMLN

accountability court

Nawaz Sharif

پاکستان

Property auction case

Comments are closed on this story.

مقبول ترین