Aaj News

جمعرات, مارچ 28, 2024  
17 Ramadan 1445  

حکومت اور اپوزیشن کو ساتھ بٹھانے کی کوشش کر رہا ہوں: صدر مملکت

ملکی سیاست میں مذہب کارڈ استعمال کرنا اتہائی افسوسناک ہے
شائع 22 ستمبر 2022 11:53pm
درمیانی راستہ نکالیں جس سے سب کا فائدہ ہو۔ فوٹو — فائل
درمیانی راستہ نکالیں جس سے سب کا فائدہ ہو۔ فوٹو — فائل

صدر مملکت ڈاکٹر عارف علوی کا کہنا ہے کہ حکومت اور اپوزیشن کو ساتھ بٹھانے کی کوشش کر رہا ہوں کہ درمیانی راستہ نکالیں جس سے سب کا فائدہ ہو۔

نجی ٹی وی چینل کو انٹرویو دیتےہوئے عارف علوی نے کہا کہ ملک کو بڑے چیلنجز کا سامنا ہے، فوری انتخابات اچھی تجویز ہے، اگر آج بھی انتخابات کا اعلان کر دیں تو اس پر کم از کم تین ماہ لگیں گے۔

ان کا کہنا تھا کہ کہ ملک میں شفاف انتخابات کے لئے الیکٹرانک ووٹنگ مشین (ای وی ایم) کا اہم کردار ہے، حکومت اور اپوزیشن کو انتخابات و معیشت پر بیٹھ کر بات کرنی چاہئے، پہلے بھی کہا اور پھر کہتا ہوں درمیانی راستہ نکالیں جس سے سب کا فائدہ ہوگا۔

صدر مملکت نے کہا کہ آئینی دائرہ اختیار میں رہتے ہوئے کوئی کام کر لیا جائے تو اس سے بھی فائدہ ہوگا۔

عارف علوی نے کہا کہ اوورسیز پاکستانیوں کے ووٹ کا معاملہ 2008 میں عدالت لے کر گیا، بیرون ملک پاکستانیوں میں سے زیادہ تر مزدور افراد ہیں۔

ایک سوال کے جواب میں صدر علوی کا مزید کہنا تھا کہ انتہائی افسوسناک ہے کہ ملک کی سیاست میں مذہب کارڈ کا استعمال کیا جاتا ہے۔

pti

Federal govt

Arif Alvi

Elections

Electronic Voting Machine

Comments are closed on this story.

تبصرے

تبولا

Taboola ads will show in this div