Aaj News

جمعہ, مارچ 29, 2024  
18 Ramadan 1445  

پہلا ٹی ٹوئنٹی: انگلینڈ نے پاکستان کو 6 وکٹوں سے ہرا دیا

پاکستان کے 159 رنز کا ہدف انگلینڈ نے 20ویں اوور میں 4 وکٹوں کے نقصان پر با آسانی سے حاصل کیا
اپ ڈیٹ 20 ستمبر 2022 11:27pm
پاکستان کو سیریز کے پہلے میچ میں شکست کا سامنا۔ فوٹو — آئی سی سی
پاکستان کو سیریز کے پہلے میچ میں شکست کا سامنا۔ فوٹو — آئی سی سی

انگلینڈ نے 7 میچز پر مشتمل سیریز کے پہلے میچ میں پاکستان کو 6 وکٹوں سے ہرا کر سیریز میں 0-1 کی برتری حاصل کرلی۔

کراچی کے نیشنل اسٹیڈیم میں کھیلے گئے مقابلے میں انگلینڈ نے ٹاس جیت کر قومی ٹیم کو پہلے بیٹنگ کی دعوت دی جس میں گرین شرٹس مقررہ اوورز میں 6 وکٹوں کے نقصان پر 158 رنز بنا سکی۔

میچ کی پہلی اننگ میں پاکستان کی جانب سے محمد رضوان 68، کپتان بابر اعظم 31 اور افتخار احمد 28 رنز اسکور کرکے نمایاں رہے۔ بولنگ میں انگلش گیند بازوں میں لیوک ووڈ 3، عادل راشد دو اور معین علی نے ایک کھلاڑی کو آؤٹ کیا۔

پاکستان کے 159 رنز کا ہدف انگلینڈ نے 20ویں اوور میں 4 وکٹوں کے نقصان پر با آسانی سے حاصل کرلیا۔

دوسری اننگز میں انگلینڈ کے ایلکس ہیلز 53، ہیری بروک ناقابلِ شکست 42 اور بین ڈکٹ 21 اسکور کرکے نمایاں رہے۔ بولنگ میں گرین شرٹ کی جانب سے عثمان قادر دو، حارث رؤف اور شاہنواز دھانی ایک، ایک وکٹ حاصل کر سکے۔

دونوں ٹیموں کے درمیان سیریز کا اگلا میچ 22 ستمبر بروز جمعرات کو کراچی کے نیشنل اسٹیڈیم میں کھیلا جائے گا۔

karachi

Pakistan Cricket Team

national stadium

t20 series

england cricket team

pak vs eng

Comments are closed on this story.

تبصرے

تبولا

Taboola ads will show in this div