انٹرنیشنل کرکٹ کونسل (آئی سی سی) ٹی 20 ورلڈ کپ 2022 اور تین ملکی سیریز کے لیے قومی اسکواڈ کا اعلان کردیا گیا۔

لاہور میں پریس کانفرنس کرتے ہوئے پاکستان کرکٹ بورڈ (پی سی بی) کے چیف سلیکٹر محمد وسیم نے کہا کہ تمام چیزوں کو مد نظر رکھ کر اسکواڈ مرتب کیا ہے۔

انہوں بتایا کہ ٹی ٹوئنٹی ورلڈ کپ اور تینوں سیریز میں ٹیم کے کپتان بابر اعظم اور نائب کپتان شاداب خان ہوں گے۔

چیف سلیکٹر کا کہنا تھا کہ قومی اسکواڈ میں آصف علی، حیدر علی، حارث رؤف، افتخار احمد، خوشدل شاہ، محمد حسنین، محمد نواز اور محمد رضوان شامل ہوں گے۔

محمد وسیم کے مطابق نسیم شاہ، شاہین آفریدی، وسیم جونئیر اور عثمان قادر قومی اسکواڈ کا حصہ ہوں گے جب کہ فخر زمان، محمد حارث اور شاہنواز دھانی کو بطور ریزرو پلئر ٹیم میں شامل کیا گیا ہے۔

انگلینڈ کیخلاف سیریز کیلئے 18 رکنی اسکواڈ کا اعلان

پی سی بی نے انگلینڈ کے خلاف ہوم سیریز کے لئے 18 رکنی قومی اسکواڈ کا بھی اعلان کردیا ہے۔

18 رکنی اسکواڈ میں عامر جمال اور ابرار احمد کو شامل جب کہ فخر زمان اور شاہین آفریدی انگلینڈ کے خلاف سیریز میں ڈراپ کیا گیا ہے۔