Aaj News

جمعہ, مارچ 29, 2024  
18 Ramadan 1445  

آرمی چیف کی عوام سے سیلاب زدگان کیلئے اپیل

مخیرحضرات سے اپیل کرتا ہوں اپنے ان بھائیوں کی مدد کریں، ہم اپنی پوری کوشش کر رہے ہیں، آرمی چیف
شائع 28 اگست 2022 11:03pm

آرمی چیف جنرل قمر جاوید باجوہ نے سیلاب زدگان کیلئے اپیل کرتے ہوئے کہا کہ میں چند دنوں سے سیلاب زدہ علاقوں کا دورہ کررہا ہوں، کل میں بلوچستان کے علاقے اوتھل اور بیلا گیا، آج خیرپور سندھ آیا ہوں، یہاں بہت تباہی ہوئی ہے۔

آرمی چیف کا کہنا تھا کہ کوشش کر رہے ہیں لوگوں کو ریلیف ‏پہنچایا جائے، اس سال سیلاب بہت بڑے پیمانے پر آیا ہے، اس کو ٹھیک ہونے، ریلیف، بحالی میں بہت سال لگ جائیں گے۔

آرمی چیف نے کہا کہ مخیرحضرات سے اپیل کرتا ہوں اپنے ان بھائیوں کی مدد کریں، ہم اپنی پوری کوشش کر رہے ہیں، وفاقی و صوبائی حکومت اور مسلح افواج کے وسائل محدود ہیں، آپ لوگ سامنے آئیں اور لوگوں کی مدد کریں، تاکہ سیلاب زدہ علاقوں میں نظام زندگی جلدازجلد بحال ہوسکے۔

سربراہ پاک فوج کا کہنا تھا کہ ریلیف، ریسکیو آپریشن تقریباً ختم ہوچکا، اب‎‏ بحالی کا معاملہ ہے، بحالی میں بہت سال لگ سکتے ہیں، پوری قوم کی مدد چاہئے، دوست ممالک سے ہم نے اور حکومت نے درخواست کی ہے، امید ہے دوست ممالک پاکستان کی مدد کریں گے۔

آرمی چیف جنرل قمر جاوید باجوہ کا کہنا تھا کہ بیرون ملک پاکستانیوں سے اپیل ہے کہ وہ اپنے بھائیوں کی مدد کریں۔

Army Chief General Qamar Javed Bajwa

monsoon 2022

Pakistan Flood

Pakistan rains

Comments are closed on this story.

تبصرے

تبولا

Taboola ads will show in this div