Aaj News

جمعہ, مارچ 29, 2024  
18 Ramadan 1445  

‘سندھ کے وزیروں نے فصلیں بچانے کیلئے سیلاب کا رخ غریبوں کی طرف کردیا’

سندھ کے حکمرانوں کی روایتی بے حسی جاری۔۔۔
شائع 28 اگست 2022 04:52pm
اسکرین شاٹس
اسکرین شاٹس

سابق وزیرداخلہ شیخ رشید کا کہنا ہے کہ پاکستان سیلاب اور یورپ خشک سالی سے مرا جارہا ہے۔

اپنے ٹویٹ میں شیخ رشید کا کہنا تھا کہ اندرون سندھ کے وزیروں نے اپنی فصلیں بچانے کے لیے سیلاب کا رخ غریبوں کی طرف کردیا ہے۔

انہوں نے مزید کہا کہ سیلاب کی رپورٹیں بننے تک غذائی قلت اور وبائیں شروع ہوجائیں گی، مہنگی بجلی،آٹا اور سیلاب تباہی لائے گا۔

ان کا کہنا تھا کہ حکمران آئی ایم ایف کی مدد کے انتظار میں کھائی میں گریں گے۔

سندھ کے حکمرانوں کی روایتی بے حسی

خیال رہے کہ گزشتہ روز سوشل میڈیا پر ایک ویڈیو وائرل ہوئی تھی جس میں دعویٰ کیا گیا تھا کہ صوبائی وزیر شرجیل میمن نے اپنی کیلے کی فصل بچانے کیلئے سیلابی پانی گاؤں کی طرف موڑدیا تھا۔

ویڈیو میں ایک شخص نے صوبائی وزیر کے کارنامے کو اجاگر کرتے ہوئے بتایا کہ سرکاری مشینری کا استعمال کرتے ہوئے شرجیل میمن کی فصل سے پانی کو گاؤں کی طرف چھوڑا جارہا ہے۔

دوسری جانب فریال تالپور کے شوہر اور رکن قومی اسمبلی منور تالپور نے سیلاب متاثرین میں پچاس پچاس روپے شاہانہ انداز میں تقسیم کیے اور تالیاں بجاتے ہوئے واپس روانہ ہوگئے۔

سکھر کے دورے پر نکلے وفاقی وزیر خورشید شاہ کے بیٹے زیرک شاہ کو متاثرین نے روک کر کہا کہ سائیں ہمارے ساتھ چلیں اور دیکھیں کیا ہورہا ہے، لیکن وہ ویڈیو بنانے سے منع کر کے گاڑی میں سوار ہوکر روانہ ہوگئے۔

Sheikh Rasheed

Sharjeel Memon

monsoon 2022

Sindh Rains

Pakistan Flood

Flood 2022

Munawar Talpur

Comments are closed on this story.

تبصرے

تبولا

Taboola ads will show in this div