عوامی مسلم لیگ کے سربراہ شیخ رشید نے کہا ہے کہ اسلامی ملک فوج کی وجہ سے امداد دے رہے ہیں۔

سماجی رابطے کی ویب سائٹ ٹوئٹر پر جاری اپنے پیغام میں شیخ رشید نے کہا کہ شہبازشریف حکومت کو پھوٹی کوڑی کوئی دینے کے لیے تیار نہیں، آئی ایم ایف کے ایجنڈے سے مفتاح تبدیل ہوگا اور شہباز گھر جائے گا، ان کا ہر قدم عمران خان کو مضبوط اور مقبول بنا رہا ہے۔

اسلامی ملک فوج کی وجہ سے امداد دے رہے ہیں۔شہباز شریف حکومت کو پھوٹی کوڑی کوئی دینے کے لیے تیار نہیں۔ IMFکے ایجنڈے سے مفتاح تبدیل ہوگا اور شہباز گھر جائے گا۔انکا ہر قدم عمران خان کو مضبوط اور مقبول بنا رہا ہے۔انتخابات میں تاخیرعمران خان کے حق،ن اور ش کی سیاست کو دفن کر دے گی۔

— Sheikh Rashid Ahmed (@ShkhRasheed) August 26, 2022

انہوں نے کہا کہ انتخابات میں تاخیر عمران خان کے حق میں ہے جبکہ یہی تاخیر ن اور ش کی سیاست کو دفن کر دے گی۔

شیخ رشید نے مزید کہا کہ ن لیگ کے لیڈر خود کہہ رہے ہیں حلقوں میں نہیں جاسکتے، 200 یونٹ پر رعایت بھونڈا مذاق ہے، سیلابی ریلا غریب کو ہی نہیں، پی ڈی ایم کو بھی لے ڈوبے گا، نواز شریف اور آصف زرداری کی شرائط نہیں مانی گئی۔

ن لیگ کے لیڈر خود کہ رہے ہیں حلقوں میں نہیں جاسکتے۔200 یونٹ پر رعایت بھونڈا مذاق ہے۔ سیلابی ریلا غریب کو ہی نہیں ،PDM کو بھی لے ڈوبے گا۔ نواز شریف اور آصف زرداری کی شرائط نہیں مانی گئی۔ ستمبر اہم فیصلوں کا مہینہ ہے۔ ن سے ش بھی نکلے گی،PDM بھی ٹوٹے گی،الیکشن کی تاریخ بھی آئے گی۔

— Sheikh Rashid Ahmed (@ShkhRasheed) August 26, 2022

سابق وزیر داخلہ نے اپنے ٹویٹ میں پیشگوئیاں کرتے ہوئے بتایا کہ ستمبر اہم فیصلوں کا مہینہ ہے، ن سے ش بھی نکلے گی، پی ڈی ایم بھی ٹوٹے گی، الیکشن کی تاریخ بھی آئے گی۔