Aaj News

جمعرات, مارچ 28, 2024  
17 Ramadan 1445  

کورونا وائرس کے حملے جاری، مزید 3 اموات، 628 نئے کیسز رپورٹ

ملک میں گزشتہ 24 گھنٹے میں کورونا کے 19ہزار 451 ٹیسٹ کئے گئے جبکہ 163 مریضوں کی حالت تشویشناک بتائی جا رہی ہے۔
شائع 08 اگست 2022 11:24am
ملک میں مثبت کیسز کی شرح 3.23 فیصد ریکارڈ کی گئی۔
فوٹو۔۔۔۔۔۔۔۔۔۔۔ فائل
ملک میں مثبت کیسز کی شرح 3.23 فیصد ریکارڈ کی گئی۔ فوٹو۔۔۔۔۔۔۔۔۔۔۔ فائل

اسلام آباد: ملک میں کورونا وائرس کے حملے جاری ہیں، ایک روز میں مزید 3افراد زندگی کی بازی ہار گئے، 628 نئے کیسز بھی پورٹ ہوئے۔

قومی ادارہ صحت کے مطابق ملک میں گزشتہ 24 گھنٹے میں کورونا کے 19ہزار 451 ٹیسٹ کئے گئے، جن میں سے 628 افراد میں وائرس کی تشخیص ہوئی جبکہ اس دوران کورونا سے 3 افراد جاں بحق بھی ہوئے، جن میں سے دو کا تعلق سندھ اور ایک خیبرپختونخوا سے ہے۔

ملک بھر میں کورونا کے 163 مریضوں کی حالت تشویشناک بتائی جا رہی ہے، مجموعی طور پر کورونا مثبت کیسز کی شرح 3.23 فیصد ہے۔

این آئی ایچ کے مطابق سب سے زیادہ شرح نوشہرہ میں 33.33 فیصد، صوابی میں 30 فیصد،مظفرآباد میں 10.64 فیصد اور پشاور میں شرح 10.43 فیصد رہی۔

اس کے علاوہ مردان میں مثبت کیسز کی شرح 9.27 فیصد، اسلام آباد میں 9.7 فیصد، سرگودھا اور لاہور میں 7.89 فیصد، میرپور میں 5.56 فیصد، فیصل آباد میں 4.68 فیصد، ملتان میں 3.74 فیصداور کراچی میں مثبت کیسز کی شرح 1.48 فیصد رہی۔

coronavirus

اسلام آباد

death casualties

corona test positive

Comments are closed on this story.

تبصرے

تبولا

Taboola ads will show in this div